𝐒𝐤𝐞̈𝐧𝐝𝐞𝐫 𝐃𝐚𝐣𝐚, 𝐏𝐚𝐥 𝐙𝐞𝐟𝐢, 𝐃𝐞𝐫𝐯𝐢𝐬𝐡 𝐁𝐞𝐣𝐤𝐨 𝐝𝐡𝐞 𝐇𝐚𝐣𝐫𝐢 𝐏𝐚𝐬𝐡𝐚𝐣 – katër të pushkatuarit e Revoltës së Spaçit – mund të kenë së afërmi një varr ku familjarët të nderojnë kujtimin e tyre.
Grupi i punës në AIDSSH ka dal në këtë përfundim pas hetimit gjashtë mujor për verifikimin mbi vendvarrimet e dyshuara dhe qartësimin e fatit të 44 të zhdukurve, të vrarë ose të vdekur gjatë vuajtjes së dënimit në burgun e Spaçit.
Vendi i identifikuar ku ata mund të jenë varrosur, referuar raportit, ndodhet rreth 20 metër larg vendvarrimit të njohur të Shpalit.
Vendi i dyshuar është i pastruar dhe lehtësisht në të mund të bëhen kërkime apo dhe gërmime për eshtrat.
Lënia pa skica varri, hartë topografike, e të dhëna të tjera, nga autoritetet e kohës, ka qenë e qëllimshme.
Grupi i punës ka përcaktuar edhe koordinatat e sakta në lidhje me vendvarrimin e të pushkatuarit Ahmet Hoxha, dënuar me pushkatim, pas tentativës së arratisjes, në moshën 39 vjeçare, 20 vjet nga të cilat i kaloi në burg.
Trupat e të vrarëve dhe të vdekurve, të të arrestuarve dhe të dënuarve politikë në hetuesitë, kampet dhe burgjet e regjimit komunist në vitet 1945-1991, nuk u dorëzoheshin familjarëve.
Bëhet me dije se grupi i punës, për daljen në këtë përfundime, realizoi komunikim shkresor me institucione që kishin të dhëna rreth burgut të Spaçit; kërkim të thelluar në Arkivin e AIDSSH; bashkëpunoi me Drejtorinë e Arkivit në Ministrinë së Brendshme, për të dhëna rreth të ekzekutuarve, vrarëve, dhe të vdekurve në burgun e Spaçit, si dhe qartësimin e praktikave të ndjekura, të rregulloreve, urdhrave dhe udhëzimeve që kanë përcaktuar këto praktika.
Paralelisht u mblodhën dëshmi nga familjarë e të vrarëve dhe të vdekurve në Burgun e Spaçit, nga ish-punonjës të policisë, banorë të fshatit Spaç dhe ish-punonjës të lirë.
Po ashtu u mbajtën takime me përfaqësues të pushtetit lokal në Mirditë dhe Fusharrëz, u kryen këqyrje në vendvarrimet e njohura si pranë Kishës Katolike, Shpal, si dhe në vendet të cilat mendohen si vendvarrime të dyshuara për të vrarët dhe të vdekurit në Burgun e Spaçit.
Ndërkohë, me vendim të Autoritetit, raporti i është dërguar për veprim Ministrisë së Brendshme, Prokurorisë së Përgjithshme, Bashkisë Mirditë, Institutit të Mjekësisë Ligjore dhe Zyrës së ICMP-së Tiranë, për marrjen e masave në ruajtjen nga tjetërsimi i vendeve të dyshuara si dhe marrjen e hapave konkretë në përshkallëzimin e procesit të rikuperimit të eshtrave të personave të pushkatuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Kurti s’po guxon ta dërgojë draftstatutin e Asociacionit në Kushtetuese, thotë Haziri