Filmat “I pabesi” dhe “Heshtja vret” të cilët duhej që të shfaqeshin në Luginë të Preshevës, por që institucionet serbe nuk i kishin lejuar, janë shfaqur për publikun në mbrëmjen e së martës në Kosovë.
Për këtë, Ardita Sinani – këshilltare e Kryeministrit të Kosovës, përmes një postimi në Facebook, tha se “mbrëmë dëshmuam se tentativa për të ndaluar artin e filmin shqip nga ana e Serbisë, nuk do të ketë asnjëherë sukses tek Shqiptarët e Luginës së Preshevës”.
“Edhe pse filmat “Heshtja vret” dhe “I pabesi” u ndaluan të shfaqen, madje duke u përfshirë edhe policia e Prokuroria”.
Ish-kryetarja e Preshevës potencoi se “është e tmerrshme dhe e palogjikshme” që në shekullin XXI politikat diskriminuese të Serbisë të shpërfaqen edhe në kulturë e art.
“Në prani të Kabinetit qeveritar të Republikës së Kosovës, gjegjësisht Kryeministrit, Albin Kurti, ministrit të Kulturës, Rinisë dhe Sportit, Hajrulla Çeku, ministres së drejtësisë, Albulena Haxhiu e shumë deputetëve të Parlamentit të Republikës së Kosovës, publiku nga Lugina e Kosova u shfaqën filmat e ndaluar nga Serbia”, tregoi ajo.
Në fjalën e saj, Sinani ka falënderuar Qeverinë e Kosovës për mbështetjen e këtij dhe “77 projekteve tjera në Preshevë, Medvegjë e Bujanoc me qëllim ruajtjen e identitetit, artit, kulturës, trashëgimisë, gjuhës e substancës kombëtare në Luginë”.
“Përgëzova producentin e filmave, Gani Veselin dhe komplet kastën e aktorëve nga Lugina, Kosova e Maqedonia e Veriut, të cilët u duartrokitën nga Kino Armata e stërmbushur me artdashës”.
Ndalimi i filmave shqiptarë në Luginë, “masë hakmarrëse për shkak të ngjarjeve në Kosovë”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Iran, shtatë persona të varur në një ditë – dy prej tyre, gra
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin