ByteDance ka njoftuar se njësia e saj e lojërave video, Nuverse, do të blejë studion e lojërave me bazë në Shanghai, Monnton Technology, në kuadër të zgjerimit të mëtejshëm të biznesit të saj të lojërave.
Burimet për agjencinë e lajmeve, Reuters, zbulojnë se në bazë të marrëveshjes, studioja e lojërave është vlerësuar me rreth katër miliardë dollarë.
Blerja e studios së lojërave vjen pasi ByteDance-i, i cili është zotëruesi i platformës TikTok dhe platformës së ngjashme kineze të videove të shkurtra të quajtur Douyin, ka ndërmarrë hyrje të konsiderueshme në biznesin e lojërave video duke konkurruar në mënyrë direkte me Tencent-in.
“Përmes bashkëpunimit ndërekipor dhe duke marrë mësime e njohuri nga rritja e shpejtë, Monnton Technology, siguron mbështetjen strategjike të nevojshme për të përshpejtuar ofertat globale të lojërave të Nuverse-it”, ka thënë kompania në një deklaratë të saj.
Mirëpo, ByteDance nuk ka pranuar të komentojë lidhur me madhësinë e blerjes.
Shefi ekzekutiv i Moonton-it, Yuan Jing, në një njoftim të brendshëm ka thënë se pas blerjes kompania do të funksiononte e pavarur nga ByteDance-i.
Për sa i përket Monnton Technology, ajo është themeluar nga një ish punonjës i Tencent-it, platformë tepër e famshme në Azinë Juglindore për lojën e saj me shumë lojtarë në arenën e betejës në internet, Mobile Legends.
Kjo blerje në terma të tjerë tregon se ByteDance-i, tanimë zotëron nën emrin e saj një lojë të Mobile Legends, gjë që e vë kompaninë në nivele konkurruese me Tencent-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ushtria izraelite bombardon një shtëpi në Rafah, vdesin 2 persona
-
Kurti s’po guxon ta dërgojë draftstatutin e Asociacionit në Kushtetuese, thotë Haziri
-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
-
Hovenier viziton në Leposaviq ushtarët amerikanë të KFOR-it
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Kurti s’po guxon ta dërgojë draftstatutin e Asociacionit në Kushtetuese, thotë Haziri