Humbja e fundit ndaj Brighton-it e kombinuar me fitoren e Manchester City-t, duket se ia shuar shpresat për titull Arsenal-it.
“Topçinjtë” tani janë katër pikë larg City-t, derisa këta të fundit e kanë edhe një ndeshje më shumë për ta zhvilluar, kur kanë mbetur edhe dy xhiro deri në fund të sezonit.
Pra, praktikisht titulli tashmë është i humbur dhe këtë e pranon edhe mesfushori i londinezeve, Martin Odegaard.
Mesfushori theksoi se në dhomat e zhveshjes së Arsenal nuk ka një atmosferë pozitive ndërsa shtoi se është e vështirë që shokët e tij ta pranojnë realitetin.
“Duket që Premier League tashmë na ka ikur nga duart. Sinqerisht është e vështirë për t’u pranuar një situatë e tillë”, ka thënë Martin Odegaard.
“Nuk ka një atmosferë të mirë edhe në dhomat e zhveshjes, por kjo është normale në një situatë të tillë. Nuk e di çfarë ndodhi, por jemi shumë të zhgënjyer dhe duket se nuk kemi më asnjë shpresë”, u shpreh mesfushori norvegjez.
Kujtojmë që Arsenal-i e mbajti kreun e tabelës për rreth 30 xhiro, derisa morën disa rezultate të dobëta radhazi duke e lëshuar frontin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League