Në 20 vjetorin e vrasjes së ish-kryeministrit serb Zoran Gjingjiç, ambasadori i Shteteve të Bashkuara të Amerikës në Serbi, Christopher Hill, tha se fjalët dhe veprimet e Gjingjiç-it janë ende inspirim edhe sot, dy dekada pas vrasjes së tij.
“Fjalët dhe veprimet e Gjingjiç-it janë ende një frymëzim”, tha Hill për agjencinë serbe të lajmeve Tanjug dhe theksoi se kujtimi i asaj kohe shkakton edhe trishtim të madh për mundësitë e humbura.
“Trishtim i madh sigurisht, sepse atëherë kishte një situatë premtuese që u mbyll shpejt në një kohë kur përparimi mund të ishte i shpejtë. Mendoj se ishte një kohë kur mund të ishte bërë përparim. Mendoj se është shumë e rëndësishme të ndihesh kur është koha për përparim dhe përpiquni të bëni përparim atëherë”, tha Hill.
Gjingjiç ka qenë kryeministri i parë i Serbisë, i zgjedhur pas rrëzimit të regjimit të Sllobodan Millosheviç-it në vitin 2000.
Ai është vrarë më 12 mars të vitit 2003 nga një snajperist pranë ndërtesës së qeverisë në qendër të Beogradit.
Organizatori i vrasjes, Millorad Ulemek Llegija, dhe snajperisti Zvezdan Jovanoviç janë dënuar me nga 40 vjet burgim.
Prapavija politike e vrasjes nuk u zbulua kurrë. Zoran Gjingjiç ka lindur më 1 gusht të vitit 1952 në Bosanski Samac, Bosnjë e Hercegovinë.
Ai ishte kryetari i parë jokomunist i Beogradit pas vitit 1945, si dhe një nga themeluesit e Partisë Demokratike, në të cilën ishte kryetar i Këshillit Ekzekutiv dhe nga janari i vitit 1994 deri në vrasjen ishte kryetar i PD-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit