Deri sa po zhvillohej ndeshja e mbrëmshme mes PSG dhe Nantes, një ngjarje shumë e keqe po ndodhte në shtëpinë e Angel Di Maria, që ishte prezent në fushë.
Një plaçkitje ndodhi në shtëpinë e argjentinasit, me të gjithë familjen e tij që ishte e pranishme në shtëpi.
Futbollisti u zëvendësua në minutën e 61-të që të shkonte direkt në shtëpi, kjo pasi drejtori sportiv Leonardo ishte i njoftuar për çfarë kishte ndodhur.
Disa njerëz e thyen shtëpinë e Di Maria-s, me fëmijët dhe gruan e tij që ishin të pranishëm.
Mohamed Bouhafsi, gazetar shumë i afërt me klubin, e përshkruan ngjarjen si “shumë të dhunshme” dhe jo si një plaçkitje e thjeshtë.
E njëjta ndodhi edhe në shtëpinë e prindërve të Marquinho-s, që jetojnë në të njëjtën zonë me atë të Di Maria-s.
Përmes një postimi në Instagram, Marquinhos konfirmon që prindërit e tij janë mirë, por më shumë kanë pësuar frikë se sa dëm.
Kurse ende nuk ka asnjë informacion mbi gjendjen e Di Maria-s dhe familjes së tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit