Ndeshja e fundit e së dielës në Bundesliga mes Wolfsburg-ut dhe Bayern Munich-ut përfundoi me fitoren e këtyre të fundit me rezultat 2:4.
Dueli ishte kryesisht i dominuar nga vendasit, të cilët kishin mundësi shënimi të shumta që nuk i shfrytëzuan siç duhet.
Goli i parë erdhi në minutën e nëntë, ku epërsinë Bayern-it ia dha Kingsley Coman.
Pas vetëm pesë minutash, Coman shënoi përsëri, i cili u asisitua nga transferimi më i ri i Bayern-it, Joao Cancelo.
Në minutën e 19-të, Thomas Muller shënoi për të trefishuar epërsinë e bavarezëve.
Kjo ishte një natë historike për Muller, pasi ai barazoi rekordin e Gerd Muller, për më së shumti paraqitje me Bayern Munich-un.
Më pas, pak para përfundimit të pjesës së parë, në minutën e 44-të, Kaminski shënoi për t’i dhënë një shpresë vendasve.
Në pjesën e dytë Joshua Kimmich u ndëshkua me kartonin e dytë të verdhë, dhe u detyrua ta lë ekipin me një lojtarë më pak.
Në minutën e 73-të, Musiala i dha fund ksaj ndeshjeje, duke shënuar golin e katërt për bavarezët.
Për rezultatin përfundimtar, u përkujdes Svanberg i cili shënoi golin e dytë të Wolfsburg-ut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE