Ish-presidentja e Lituanisë, Dalia Grybauskaite beson se qëndrimi i saj i ashpër ndaj Rusisë do ta pengojë atë të bëhet Sekretarja e ardhshme e Përgjithshme e NATO-s pas përfundimit të mandatit të Jens Stoltenberg.
Lajmi u bë i ditur nga agjencitë lituaneze.
Grybauskaite konsiderohej si një nga pretendentët për postin e Sekretarit të Përgjithshëm të ardhshëm të NATO-s.
Tani ajo thotë se qëndrimi i saj i ashpër ndaj Rusisë e ka përjashtuar atë nga kandidimi.
Sipas Grybauskaite-s, posti më i lartë në NATO zakonisht shkon tek dikush që mbështetet unanimisht nga të 30 vendet anëtare.
“Disa vende do të mendojnë se pozicioni im i fortë ndaj Rusisë është një pengesë”, tha Grybauskaite në margjinat e Forumit vjetor Global të Grave Lidere në Rejkjavik.
Ajo shtoi se është e nevojshme që Rusia të trajtohet “si terroriste dhe jo të negociojmë apo të bëjmë kompromise”.
Sipas saj, vendet e NATO-s duhet t’i ofrojnë menjëherë Ukrainës më shumë pajisje ushtarake, të cilat vendet, përfshirë Shtetet e Bashkuara, ngurrojnë t’i ofrojnë, për shembull, raketa me rreze të gjatë veprimi që mund të godasin territorin e Rusisë.
Mandati i Stoltenberg do të përfundonte në shtator 2022, por udhëheqësit e NATO-s, të shqetësuar pas pushtimit të Ukrainës nga Rusia, e zgjatën atë deri në vitin 2023.
Siç raportohet, zëvendës kryeministrja kanadeze dhe ministrja e financave Chrystia Freeland është gjithashtu një nga kandidatët për postin e Sekretarit të Përgjithshëm të NATO-s pas Stoltenberg.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Njohja e pavarësisë së Kosovës nga Mali i Zi, Vuçiç: E shkeli Serbinë
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
Protestuesit në Izrael kërkojnë dorëheqjen e Netanyahut dhe lirimin e pengjeve
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit