Sali Berisha ka reaguar menjëherë pasi Partia Socialiste rrëzoi kandidaturën e Simon Mirakës për anëtar të Autoritetit për të Drejtën e Informimit mbi Dokumentet e ish-Sigurimit të Shtetit.
Ai, në Kuvend, e quajti këtë një “akt të shëmtuar”.
“Sot refuzuan Simon Mirakën, një nga ikonat e vuajtjes së persekutimit. Disident të një familje të shkëlqyer dhe një kombinim individësh që i lidh krimi i fshinë emrin për të shkuar anëtar te komisioni i dosjeve të sigurimit të shtetit”, ka thënë ai.
Ndërkaq, reagimi vjen pasi kreu i grupit të PS-së, Taulant Balla, ka shpjeguar se rrëzimi i kandidaturës ndodhi për shkak se mbante firmën e Sali Berishës.
Balla, po në Kuvend, ka ravijëzuar se Berisha synon vetëm minimin e demokracisë.
Gjithashtu i ka drejtuar thirrje opozitës që të hiqet firma e kreut të PD-së sepse në të kundërt nuk do të pranohet si propozim.
Një tjetër reagim ka ardhur edhe nga grupi i Enkelejd Alibeajt.
Përmes një deklarate është bërë e ditur se asnjë nga deputetët e PD-së në Komisionin e Ligjeve nuk ka kundërshtuar kandidatin Simon Miraka, por faktin që ai ishte propozim i Sali Berishës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Mbi 16 mijë fluturime janë menaxhuar nga Albcontrol në gjysmën e majit
-
Iran, shtatë persona të varur në një ditë – dy prej tyre, gra
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit