Alexandre Lacazette ka thënë se është në bisedime me disa klube pasi kontratës së tij me Arsenal-in i vjen fundi, dhe la të kuptohet se qëllimi i tij është të bashkohet me një skuadër që luan në Ligën e Kampionëve.
30-vjeçari pritet të largohet nga Arsenal-i si lojtar i lirë kur marrëveshja e tij të përfundojë në fund të sezonit.
“Jam në diskutime me shumë klube, jam i hapur”, tha Lacazette.
Kapiteni i Arsenal-it refuzoi të përjashtonte mundësinë e rikthimit në ish-skuadrën e tij, Lyon, të cilin e la në vitin 2017 për t’iu bashkuar skuadrës veriore të Londrës.
Megjithatë, Lyon është jashtë vendeve të Ligës së Kampionëve në Ligue 1 në vendin e shtatë, gjashtë pikë prapa vendit të tretë Rennes, të cilët zënë vendin e playoff-it.
“Kurrë nuk i kam ndërprerë kontaktet me Lyon-in që kur u largova”, shtoi ai. “Tani Lyon e di që unë jam i lirë, ata po më kërkojnë sipas informacionit”.
“Është pak më e komplikuar. Unë dua të luaj në Evropë. Ka kaluar një kohë e gjatë që nuk kam luajtur në Champions League, më mungon. Asgjë nuk është e pamundur në jetë, por është pak më e komplikuar”, përfundoi francezi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin