Gjykata e Posaçme Kundër Korrupsionit dhe Krimit të Organizuar ka dënuar ish-zëvendësministren e Brendshme, Rovena Vodën, me gjykim të shkurtuar, dhjetë muaj burgim.
I njëjti gjykim i shkurtuar është dhënë edhe për të pandehurit e tjerë, konkretisht Florida Beu dhe Majlinda Hasanin.
Tre të pandehurat u dënuan me një vit e tre muaj burg në total.
Prokuroria e Posaçme (SPAK) vërtetoi se ish-zyrtarja e Ministrisë së Brendshme kishte marrë 1 mijë euro, një celular dhe një arkë me peshk për të punësuar Florida Beun në ministri.
Personi i tretë, Majlinda Hasani, ka luajtur rolin e sekseres për të lidhur Florida Beun me Vodën, duke shfrytëzuar edhe lidhjen shoqërore që ka pasur me të.
Të tria gratë janë akuzuar se kanë kryer veprën penale “Ushtrimi i ndikimit të paligjshëm ndaj personave që ushtrojnë funksione publike”.
Sipas Vodës, “nuk ekzistonin kushte ligjore që ta mbanin në masë sigurie”. Ndërsa avokati i saj ka thënë se nuk ka rrezik që Voda t’i shmanget drejtësisë”.
Gjithashtu “nuk ka rrezik të prishen provat”.
Më 13 korrik, ishte Gjykata që e mori këtë masë pas hetimeve nga SPAK-u.
Në njoftimin e SPAK-ut cilësohej se bëhet fjalë për veprën penale “Ushtrim i ndikimit të paligjshëm ndaj personave që ushtrojnë funksione publike”, e kryer në bashkëpunim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjiknuri: I qëndrojmë variantit të votimit me postë për Diasporën
-
Begaj bisedë me Cameron: Vlerësim të veçantë për shtimin e trupave në KFOR
-
Nga presionet politike te krimi i organizuar, bilanci i Altin Dumanit te “Ligjet”
-
Deputetët e PD-së italiane, vizitë në Gjadër: Meloni të heqë dorë nga projekti, asgjë në 70 mijë metra katrorë
Lajmet kryesore
-
Nga presionet politike te krimi i organizuar, bilanci i Altin Dumanit te “Ligjet”
-
Gjiknuri: I qëndrojmë variantit të votimit me postë për Diasporën
-
Spanja, Norvegjia dhe Irlanda njohin Palestinën: Precedentët e mëparshëm dhe pse asgjë nuk ndryshon
-
PDK po dëshiron ta shmang elefantin në dhomë – Asociacionin