Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra

Duhet të hapeshin më 20 maj, por në Shëngjin dhe Gjadër për momentin ka vetëm buldozerë.

Përurimi me bujë të madhe i qendrave të emigrantëve në Shqipëri, të cilat – thotë kryeministrja e Italisë, Giorgia Meloni – i ka zili gjysma e Evropës, siç pritej janë shtyrë për një datë të mëvonshme, ndoshta jo para vjeshtës.

Kjo së bashku me vizitën që Meloni kishte paralajmëruar më 27 maj për të kontrolluar ecurinë e punës (kontraktimin e kërkesave për azil në vendet e treta), të cilën tani pesëmbëdhjetë vende evropiane duan ta kopjojnë për të mos lejuar emigrantët që të hyjnë territoret e tyre.

Kontrata me Medihospes

Përveç inaugurimit para zgjedhjeve evropiane, ajo do të kishte qenë një reklamë e shkëlqyer për qeverinë.

Projekti i strukturave që Ministria italiane e Mbrojtjes ia ka besuar Fabrizio Palmiotti është ende në fazën fillestare.

Dhe me datën 20 maj, del në dritë mashtrimi elektoral italian me kontratën multimilioneshë me Medihospes.

Kjo e fundit është kompania që nga 20 maji është gati të ofrojë të gjitha shërbimet për menaxhimin e pritjes së emigrantëve.

Ama realiteti i dy zonave ku do të ndërtohen qendrat na tregon buldozerët e inxhinierëve ushtarakë që po punojnë ende për gërmimet dhe ndërtimi i punimeve urbanistike mungon totalisht.

Sistemi rregullator dhe organizativ

Dhe nga ana tjetër, sistemi regullator dhe organizativ që do të duhet të shoqërojë të gjithë operacionin është zero.

Ministri i Brendshëm italian prej muajsh ka shpallur ndryshimin e rregullit të dekretit Cutro për garancinë 5 mijë euro që kërkohet nga emigrantët – e vetmja alternativë ndaj paraburgimit administrativ, për të cilën Gjykata Evropiane e Drejtësisë nuk do të vendosë për disa muaj.

Por ende nuk ka asnjë gjurmë të ndryshimit që po studiohet nga zyrat legjislative të ministrive të Drejtësisë dhe të Brendshme.

Si dhe nuk ka asnjë ngritje të komisioneve të posaçme prefekturale që do të caktohen për shqyrtimin e kërkesave për azil të emigrantëve që vijnë nga vende të sigurta.

Çfarë ndodhi me arsyet e urgjencës ekstreme?

Personi që synon të vërë në qendër të vëmendjes marrëveshjen është Angelo Bonelli i të Gjelbërve.

“Qendrat nuk janë gati dhe megjithatë për dhënien e kontratës menaxheriale janë shfrytëzuar arsyet e urgjencës ekstreme”.

Kontratën e ka fituar kooperativa Medihospes, me procedurë të negociuar, pa tender, për një shumë prej mbi 151 milionë, më tepër se me një tender publik.

Këto janë qendra që do t’i kushtojnë Italisë më shumë se 800 milionë në të njëjtën kohë, për të menaxhuar jo më shumë se 3 mijë persona në të njëjtën kohë.

“Unë pyes: si do të garantohet që ky afat të mos kalohet. Një humbje e madhe burimesh që do të përdoreshin për të përmirësuar një sistem pritjeje që është gjithmonë i pasigurt dhe në kolaps”.

Marrë nga “La Repubblica”, përshtatur për Albanian Post 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.