Gjermania ka riatdhesuar 10 gra dhe 27 fëmijë nga një kamp në Sirinë verilindore ku mbaheshin anëtarë të dyshuar të ISIS-it.
Ministrja e Jashtme Annalena Baerbock ka bërë me dije se grupi u riatdhesua nga kampi Roj në atë që e quajti një operacion “jashtëzakonisht të vështirë”.
Sipas saj, disa nga nënat u morën në paraburgim menjëherë pas mbërritjes në Gjermani.
“27 fëmijët janë viktima të ISIS-it dhe ata kanë të drejtë për një të ardhme më të mirë larg ideologjisë vdekjeprurëse dhe gjithashtu të jetojnë në siguri, siç do të dëshironim për fëmijët tanë”, ka thënë ajo.
Baerbock ka shtuar gjithashtu se “nënat duhet të mbajnë përgjegjësi për veprimet e tyre”.
Më parë, Gjermania ka riatdhesuar 23 fëmijë dhe tetë nënat e tyre nga Roj në tetor.
Në të njëjtën kohë, Danimarka fqinje ka riatdhesuar 14 fëmijë dhe tre gra.
Nga ana tjetër, ministrja Baerbock ka falënderuar autoritetet në Siri dhe “partnerët amerikanë, të cilët edhe një herë dhanë mbështetje logjistike”.
“Shumica e fëmijëve gjermanë, nënat e të cilëve janë të gatshme të kthehen në Gjermani, janë sjellë në siguri”, ka ravijëzuar ajo.
Dhe se tani “ka vetëm disa raste të veçanta për të cilat po vazhdojmë të punojmë për zgjidhje individuale”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit