Anijet luftarake ruse kanë bërë prova të gjuajtjes në objektiva ajrore dhe detare gjatë stërvitjeve në Detin e Zi në jug të Ukrainës.
Këtë e bëri me dije Ministria ruse e Mbrojtjes të premten e 28 janarit.
Stërvitjet që përfshijnë 20 anije të marinës filluan të mërkurën.
Ato janë pjesë e aktiviteti në rritje ushtarak në rajon.
Stërvitjet në Detin e Zi pritet të përfundojnë brenda kësaj dite, sipas njoftimit të autoriteteve ruse.
Forcat e artilerisë ruse në rajonin jugor të Rostov-it që kufizohet me Ukrainën kanë praktikuar gjithashtu shkatërrimin e forcave armike dhe automjeteve të blinduara me obusa, tha Ministria e Mbrojtjes.
Mes operacioneve të zhvilluara në stërvitje ishte dhe fshirja e minave.
Lavrov
Ministri i Jashtëm rus, Sergej Lavrov, ka pohuar ndërkaq se Rusia nuk dëshiron luftë.
Kjo deklaratë erdhi pasi Washington-i paralajmëroi se Moska mund të pushtojë Ukrainën muajin e ardhshëm.
Sergej Lavrov u tha mediave ruse të premten se Kremlini nuk po kërkon konflikt me Kievin.
Kryediplomati rus ritheksoi se Moska zyrtare nuk do të lejojë sakaq që interesat e saj të sigurisë të injorohen.
Shtetet e Bashkuara dhe NATO iu përgjigjën kërkesave gjithëpërfshirëse të sigurisë të Rusisë që u ngritën në dhjetor.
Rusia tha se përgjigjet lanë pak vend për optimizëm sepse “nuk kishte përgjigje pozitive për pyetjen kryesore”.
Gjatë ditës, Lavrov do të bisedojë me homologen e tij gjermane Annalena Baerbock.
Këtë lajm e raportoi agjencia ruse e lajmeve “Interfax”.
Rusia është e prirur që autoritetet rregullatore gjermane t’i japin dritën jeshile tubacionit të gazit Nord Stream 2, pavarësisht krizës në Ukrainë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
SPAK zbardh skemën: Grupi i Ervis Martinajt aleancë me Arben Ndokën dhe Emiljano Shullazin për të eliminuar Durim Bamin
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin