Individët e shpallur non grata nga Shtetet e Bashkuara të Amerikës (SHBA), nuk do të lejohen më të jenë pjesë e Partisë Demokratike të Shqipërisë (PD).
Ky ka qenë vendimi i parë i miratuar nga Kuvendi që ka thirrur lidership-i zyrtar i demokratëve, Lulzim Basha, të shtunën e 18 dhjetorit, duke lënë jashtë strukturave qendrore të PD-së, ish-kreun e demokratëve, Sali Berisha.
“Shpallja non grata nga qeveria e SHBA-ve është e papajtueshme me çdo funksion drejtues në Partinë Demokratike të Shqipërisë”, shkruhet në rezulutë.
Gjithashtu, delegatët demokratë kanë shpallur “nul” vendimet e marra gjatë Kuvendit të thirrur nga ish-kreu i PD-së, Sali Berisha, më 11 dhjetor.
Gjatë Kuvendit të Berishës, delegatët e thirrur shkarkuan nga detyra nënkryetarët e PD-së, si edhe Sekretarin e Përgjithshëm. Gjithashtu vendosën që, më 18 dhjetor, të mbahej një Referendum për shkarkimin edhe të kryedemokratit Lulzim Basha.
Së dyti, u miratua dhe shkarkimi nga detyra i kryetarit të Këshillit Kombëtar, Edi Paloka dhe anëtarëve të kryesisë, përfshirë Flamur Noka, Aldo Bumçi, Gent Strazimiri, Albana Vokshi dhe Oerd Bylybashi.
“Të mbështesë fuqimisht iniciativën për dekomunistizimin e vendimarrjes dhe përfaqësimit politik në të gjitha institucionet shtetërore dhe publike dhe partitë politike”.
Nga detyra u shkarkuan dhe sekretarët e kryesisë, Ervin Minarolli, Ivi Kaso, Belind Kelliçi dhe Ledina Mandia.
Po ashtu, u votua dhe krijimi i Aleancës Qytetare për Demokraci, që sipas demokratëve, ka si qëllim bashkëpunimin më të ngushtë me shoqërinë.
Sipas kreut të Komisionit të dalë nga Kuvendi i Bashës, Aleanca do të përbëhet nga intelektualë dhe njerëz të spikatur në shoqëri, që “shfaqin parimet e PD-së”.
Kurse, nënkryetari i kësaj partie, Enkelejd Alibeaj, shpjegoi se anëtarët nuk do të kenë nevojë që të jenë anëtarë të PD-së.
Në kuvend morën pjesë 5 mijë e 4 delegatë nga 7 mijë e 600 prej tyre, sipas Gjanës.
“Kuvendi ka gjithsej 7 mijë e 600 delegatë. Sipas prezencës së nënshkruar prej secilit prej tyre, janë të pranishëm në Kuvendin Kombëtar 504 delegatë”, u shpreh ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Digjitalizimi i FSHF/ Duka takim pune me ekspertë nga Federata e Futbollit të Arabisë Saudite
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Kurti s’po guxon ta dërgojë draftstatutin e Asociacionit në Kushtetuese, thotë Haziri