I dënuari për krime lufte, Dragan Vasilkoviç, i njohur si Kapiteni Dragan, së fundi ka nisur një peticion në Serbi për lirimin e vrasësit të ish-kryeministrit Zoran Gjingjiq, Zvezdan Jovanoviç.
Gazeta e pavarur serbe “Danas”, bazuar në bashkëbisedime me njohës të fushës, ka shkruar se pas këtij peticioni qëndron pushteti në krye me presidentin serb, Aleksandar Vuçiç.
Kapiteni Dragan, udhëheqës ushtarak i serbëve gjatë luftës në Kroaci, është liruar nga burgu vitin e shkuar.
Tash ka marrë iniciativë për lirimin e një vrasësi, por sipas shumëkujt në Serbi, kjo nuk është ide e tij.
Zharko Koraq, zv\kryeministër në kabinetin që udhëhiqej nga Gjingjiqi, thotë se pas kësaj qëndron e gjithë skena, siç ka thënë ai, profashiste në Serbi e cila dëshiron konflikte të reja.
“I ashtuquajturi Kapiteni Dragan është një kriminel lufte i dënuar dhe nuk çudit aksioni i tij për mbledhjen e nënshkrimeve për lirimin e vrasësit të Zoran Gjingjiqit”, ka thënë Koraq.
Ndërkaq, Vesna Peshiq, sociologe dhe bashkëpunëtorë e Gjingjiqit në parti, pyet se me çfarë baze Kapiteni Dragan ka marrë iniciativë të tillë.
“Ai nuk është kurrfarë figure, pos një person i liruar nga burgu ku qëndroi për krime lufte. Mbishkrimi në atë tendë është se Jovanoviç është hero i luftës në Kroaci e Bosnjë. Sipas cilës arsye ai është hero? Por kemi parë edhe me rastin e Ratko Mladiqit e të tjerëve të dënuar për krime lufte, se pushteti i Vuçiçit u jep mirënjohje dhe i quan heronj”, potencoi Peshiq.
“Këtë iniciativë për lirimin e vrasësit të Gjingjiqit nuk e ka menduar Kapiteni Dragan, por kreu shtetëror. Dhe meqë Vuçiçi është kundër një Serbie çfarë e ka menduar Gjingjiqi dhe urryes i madh i tij, tani dëshiron t’i rehabilitojë vrasësit. Me këtë dëshiron të eliminojë çdo gjurmë të 5 tetorit, kur radikalët dhe socialistët ranë nga pushteti dhe kur Gjingjiqi krijoi një vizion të ri për Serbinë”.
Gjingjiq ishte vrarë më 12 mars 2003 në moshën 50-vjeçare, e vrasësi i tij, Jovanoviç është dënuar me 40 vjet burgim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Njohja e pavarësisë së Kosovës nga Mali i Zi, Vuçiç: E shkeli Serbinë
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
Protestuesit në Izrael kërkojnë dorëheqjen e Netanyahut dhe lirimin e pengjeve
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit