Australia ka ndërmarrë një hetim të zgjeruar mbi kazinotë e vendit. Kështu të gjithë pronarët e kazinove kryesore janë nën hetim zyrtar për pastrim të mundshëm parash.
Crown Resorts, Star Entertainment Group, SkyCity Entertainment Group dhe Banka Kombëtare e Australisë janë të përfshira të gjitha në hetim.
Rregullatori kundër pastrimit të parave është në ndjekje të hetimit.
Crown po hetohet për kazinonë e saj në Melburn. Nga sot e në vazhdim dhe kazinoja e saj në Perth do të mbikëqyret.
Kompania nuk mundi të hapte një kazino të sapopërfunduar. Kazinoja, e sapondërtuar në Sidnei, e cila kushtoi 2.2 miliardë dollarë, është konsideruar e papërshtatshme për të mbajtur një licencë lojërash.
Crown ka ndërtuar një rrjet marrëdhëniesh tregtare me individë të inkriminuar me grupe kriminale në kazinotë e qyteteve të tjera australiane.
Crown nuk është emër i ri për Grupet Hetimore, pasi është ndjekur për vite me radhë. Akuzat kanë qenë: veprimtari e paligjshme, duke përfshirë pastrimin e parave dhe kumarxhinjtë kinezë, të cilët kishin lidhje me grupet e krimit të organizuar.
Star Entertainment Group, i cili drejton kazinonë e vetme të Sidneit, po ashtu po hetohet për shkelje të dyshuara të kujdesit ndaj klientit.
SkyCity, me bazë në Zelandën e Re, e cila drejton një kazino në Australi, tha se rregullatori po heton operacionin e saj “Adelaide” për mungesat e mundshme në menaxhimin e klientëve të identifikuar, si “me rrezik të lartë dhe të ekspozuar politikisht”.
Australia ka dëshmuar dënime rekord në vitet e fundit për akuzat e pastrimit të parave.
Në shtator të vitit të kaluar, Banka Australiane Westpac u gjobit me 1.3 miliardë dollarë për shkeljen më të madhe të ligjeve për pastrimin e parave.
Marrë dhe përshtatur nga BBC për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Iran, shtatë persona të varur në një ditë – dy prej tyre, gra
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin