Pllaka prej akulli 4 mijё e 320 kilometra katrorë e quajtur A-76 u nda nga shelfi i Ronne dhe po noton në detin Weddell.
Pllaka gjigande e akullit, gati katër herë më e madhe se New York City, u shkёput nga cepi i ngrirë i Antarktidës në detin Weddell, duke u bërë ajsbergu më i madh në botë, sipas Agjencisë Evropiane të Hapësirës.
“Ajsbergu i porsakrijuar, i emëruar A-76 nga shkencëtarët, u pa në imazhet e fundit satelitore t tё misionit Copernicus Sentinel-1”, tha agjencia hapësinore në një deklaratë të postuar në faqen e saj të internetit.
Sipërfaqja e saj shtrihet në 4 mijё e 320 km katrore. Ёshtё 175 kilometra e gjatё dhe 25 kilometra e gjerё.
Përmasat e mëdha të A-76, renditet si ajsbergu më i madh ekzistues në planet, duke tejkaluar A-23A, që është rreth 3 mijё e 380 kilometra katrore dhe po noton gjithashtu në detin Weddell.
“Një tjetër ajsberg i madh në Antarktidё, që kishte kërcënuar një ishull të populluar me pinguinë në skajin jugor të Amerikës së Jugut, ka humbur shumë nga masa e tij dhe është copëtuar”, thanë shkencëtarët më parë këtë vit.
A-76 u zbulua së pari nga Sondazhi Britanik i Antarktidёs dhe u konfirmua nga Qendra Kombëtare e Akullit e SHBA-sё me qendër në Maryland.
Shelfi i akullit Ronne në krahun e gadishullit tё Antarktidёs është një nga më të mëdhenjtë që lidhen me tokën e kontinentit dhe shtrihen në detet përreth.
Pjellja periodike e copave të mëdha të atyre rafteve është pjesë e një cikli natyror. Por disa rafte akulli përgjatë gadishullit tё Antarktidёs i’u nënshtrua shpërbërjes së shpejtë në vitet e fundit, një fenomen që shkencëtarët besojnë se mund të ketë lidhje me ndryshimet klimatike.
Ky lajm është marrë dhe përshtatur për The Guardian nga Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dy të vdekur dhe pesë të zhdukur pas përplasjes me varkë pranë Budapestit
-
Kryeministri sllovak jashtë rrezikut për jetën, por mbetet në terapi intensive
-
Emigrantët, gjysma e BE-së kërkon të ndjekë modelin e Shqipërisë me Italinë
-
Historia e pabesueshme e ishullit të paarritshëm dhe dy vëllezërit që jetuan atje për dy vjet
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia