Ashtu edhe siç ishte paralajmëruar, ish-legjenda e futbollit holandez, Ruud van Nistelrooy, ka nënshkruar kontratë me klubin e PSV Eindhoven.
Trajneri holandez ka nënshkruar kontratë deri në vitin 2025 me klubin e PSV-së, ku do të marrë detyrën nga sezoni i ardhshëm.
Ish-futbollisti i Real Madrid-it dhe Manchester United-it do të zëvendësojë Roger Schmidt, trajnerin aktual, të cilit kontrata i përfundon këtë verë dhe kishte bërë të ditur se nuk do ta rinovonte.
Në karrierën e shkurë si trajner, Nisterlooy ka stërvitur vetëm skuadrën e të rinjve të PSV-së, derisa ai ka thënë se është i gatshëm ta rrisë nivelin e skuadrës të ekipit A.
“Besoj dhe jam i bindur, që mund ta çoj ekipin në një nivel tjetër. Kjo do të shihet në ndeshjet e kampionatit, në Kupë dhe në Evropë”.
“Jam i fokusuar në përmirësimin e lojtarëve dhe skuadrën nëpërmjet stilit të lojës që më përshtatet”, ka thënë Nisterlroy.
Kujtojmë që skuadra e PSV-së është në garë të ngushtë për titullin kampion në Holandë, të cilët pozicionohen në vendin e dytë me 64 pikë, dy më pak se Ajax-i kryesues.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
