Viola von Cramon i bën thirrje Qeverisë së Kosovës “që t’ia njeh pronësinë” Manastirit të Deçanit

Raportuesja për Kosovën në Parlamentin Evropian, Viola von Cramon, gjatë një vizite në Manastirin e Deçanit, ka deklaruar se Qeveria e Kosovës duhet të implementojë vendimit e Gjykatës Kushtetuese mbi pronën e Manastirit të Deçanit.

“Toleranca dhe respekti i ndërsjellë janë thelbi i një shoqërie shumë-entike”, ka shkruar ajo në llogarinë e saj në Twitter.

“Trashëgimia e Kishës Ortodokse Serbe në Kosovë duhet të mbrohet dhe të gëzojë të drejta të plota, prandaj i bëj thirrje Qeverisë së Kosovës që ta zbatojë vendimin e Gjykatës Kushtetuese, i cili është vonuar për një kohë të gjatë, sepse sundimi i ligji do të thotë trajtim i barabartë për të gjithë”, ka shkruar më tej.

Tolerance and mutual respect are the essence of multiethnic society.

The #Serbian #Orthodox #Church heritage in #Kosovo must be protected and enjoy full rights.

I thus urge Kosovo govt to implement the long overdue CC judgment as the rule of law means equal treatment of all. pic.twitter.com/5JZjZfTLBf

— Viola von Cramon 🇺🇦🇪🇺 (@ViolavonCramon) October 31, 2021

Sipas saj, “Manastiri i Deçanit duhet të jetë një vend që bashkon të gjithë qytetarët e Kosovës dhe zvogëlon hendekun mes komuniteteve të saj, sepse Manastiri i Deçanit dhe At Sava mund të luajnë një rol konstruktiv në dialogun social#.

Gjykata Kushtetuese e Kosovës pesë vite më parë kishte marrë vendim që manastirit të Deçanit t’i njohë pronësinë e 24 hektarëve tokë

Mirëpo, ky vendim ka hasur në kundërshti me komunën e Deçanit si dhe ka ngjallur protesta të shumta qytetare.

Ndërkaq, edhe Shkodran Imeraj, nënkryetar i Shoqatës së historianëve të Kosovës, këtë vendim të Kushtetueses e kishte kundërshtuar

“Kuvendi i Serbisë në vitin 1997 ia ka dhuruar këtë tokë manastirit. Pas luftës, në vitin 2002 është nënshkruar një marrëveshje me UNMIK-un. Mbi këtë dokument janë marrë edhe vendime të tjera, ndërsa tani ato konfirmohen nga Gjykata Kushtetuese. Vendimi është në kundërshtim me Planin e Ahtisarit, ndaj duhet të anulohet”, kishte deklaruar ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.