Kryetarja e Lëvizjes Evropiane të serbëve të Kosovës, Rada Trajkoviç, konsideron se ideja e këmbimit të territoreve mes Kosovës dhe Serbisë është riaktualiuzar.
Një reagim i tillë nga Trajkoviç vjen pas vizitës që ia bërë zëvendëskryeministri i Kosovës, Besnik Bislimi Luginës së Preshevës dhe kryeministrja e Serbisë, Ana Bërnabiç, veriut të Kosovës.
“Kam dronë se përmendja e kësaj ideje të vjetër (të keqe) gjatë vizitës së Bislimit nuk ishte aksidentale. Vizitat e përnjëkohshme të Bërnabiçit në veri dhe të Bislimit në Luginën e Preshevës, më duken si orkestrim për të ringjallur idenë e ‘këmbimit të territoreve’ si kompromis ‘të pranueshëm’ për Vuçiçin dhe Kurtin”, ka shkruar ajo në Twitter.
I am afraid that the mention of this old (bad) idea during Bislimi’s visit wasn’t an accident. Contemporaneous visits of Brnabić to the North & Bislimi to Presevo valley strike me as choreographed to reinvigorate the “land swap” idea as a compromise “palatable” to Vučić & Kurti. https://t.co/6YoCx0NBeA
— Rada Trajkovic (@trajkovic_rada) September 7, 2022
Edhe sipas kryetarit të Bujanocit, Nagip Arifi, shkëmbimi i komunave ndërmjet Kosovës dhe Serbisë do të ishte i drejtë.
Sipas tij, do të ishte korrekte nëse Serbia do të marrë pjesën veriore të Mitrovicës, kurse Kosova Luginën e Preshevës.
Ai thotë se këtë çështje e ka ngritur në fillim të takimit me zëvendëskryeministrin e Kosovës, Besnik Bislimi por që ai nuk është përgjigjur.
“Bislimi nuk është përgjigjur, ndoshta ka mbetur i befasuar në atë moment. Mendoj se është zgjidhja më e mirë për shqiptarët e Luginës së Preshevës, por edhe për Kosovën”, tha Arifi, raporton mediumi serb Danas.
Ndër të tjera ai ka theksuar se presidenti i Serbisë është gabim që vetëm një pjesë e Luginës t’i jepet Kosovës.
“Presidenti Vuçiç gjithmonë ka përmendur kompromisin dhe me siguri ka dashur të ketë menduar diçka të tillë. Por ai mendon që vetëm një pjesë e Luginës së Preshevës t’i jepet Kosovës dhe të merret veriu. Kosovës duhet t’i jepet e gjithë lugina”.
Arifi është optimist se një ditë do të ketë shkëmbim të Luginës së Preshevës me veriun e Kosovës, edhe pse, siç tha ai, nuk kanë kontaktuar me liderët serbë.
Në takim me Bislimin ai ka kërkuar që Qeveria e Kosovës në të ardhmen të ketë qasje pragmatike dhe të drejtpërdrejtë ndaj interesave dhe kërkesave të shqiptarëve nga Lugina e Preshevës.
“Gjatë takimit Bislimi më ka premtuar se në takimin me delegacionin serb do të diskutohen të gjitha çështjet dhe shqetësimet e shqiptarëve nga komunat në jug të Serbisë qendrore”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Austria do të rifillojë ndihmën për agjencinë e OKB-së për palestinezët
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin
-
Kurti: Për 4 vjet krijuam 87 mijë vende të reja pune
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin