Kryeministri i Kosovës, Albin Kurti, ka njoftuar se ka zhvilluar një bisedë telefonike me Senatoren amerikane, Joni Ernst, për të cilën tha se “ajo luajti një rol vendimtar në forcimin e Forcave tona të Sigurisë”.
Kurti e ka falënderuar atë për përkrahjen e vazhdueshme ndaj Kosovës.
“E falënderova atë për mbështetjen e saj për Forcat tona të Sigurisë që po shndërrohen në një ushtri profesionale, duke punuar së bashku me Shtetet e Bashkuara të Amerikës, në promovimin e paqes dhe stabilitetit në botë”, ka shkruar Kurti.
Përmes një postimi në Twitter, Kurti ka theksuar se gjatë kësaj bisede bashkë me senatoren kanë rënë dakord për të forcuar bashkëpunimin dhe për të vizituar njëri tjetrin sa më shpejt të jetë e mundur.
Joni Ernst është senatore nga Iowa. Ajo është një nga aleatet e afërta të ish-presidentit amerikan, Donald Trump.
Ernst është nga republikanet që ruajti ulësen e saj në senat pas fitores së Demokratëve në zgjedhjet e vitit të kaluar.
Ajo për vendin në Senatin amerikan ishte sfiduar nga demokratja, Theresa Greenfield.
It was a pleasure to talk with @SenJoniErnst who is a staunch supporter of Kosova in the U.S Senate. She is Vice Chair of the Senate Republican Conference, and co-chair of the #SenateAlbanianIssuesCaucus. She played a crucial role in strengthening our Security Forces. pic.twitter.com/IyUiRk2iup
— Albin Kurti (@albinkurti) March 25, 2021
Me nëntë mars të këtij viti, është mbajtur ceremonia e zbarkimit të kontingjentit të FSK-së për në misionin e parë paqeruajtës në shtetin e Kuvajtit.
Vendimi për dërgimin e kontingjentit të FSK-së në misionin e parë jashtë vendit ishte marrë më 31 dhjetor, 2020, ndërsa me pesë janar të këtij viti, Kuvendi i Kosovës ka votuar unanimisht dërgimin e këtij kontingjenti të parë në SHBA.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE