Rezervat e gazit në Detin e Zi do të zgjasin për 45 vjet, thonë autoritetet turke

Depozitat turke përgjatë bregut të Detit të Zi kanë burime të mjaftueshme për të plotësuar nevojat globale për 45 vjet.

Këtë e deklaroi Binali Yildirim, nënkryetari i Partisë për Drejtësi dhe Zhvillim në pushtet në Turqi, raporton “CNN Turk”.

“Ne kemi gjetur gaz, kemi 540 miliardë metra kub gaz. Por ky është vetëm fillimi. Deti i Zi ka rezerva energjie për të plotësuar nevojat e botës për 45 vjet. Ne kemi një pasuri të madhe. Quhet sulfid hidrogjeni. Hidrogjen është gjithashtu gazi më i pastër i së ardhmes”, shtoi zyrtari turk.

Sipas Yildirim-it, depozitimi i sulfurit të hidrogjenit është avantazhi i Turqisë.

“Pra, ne i kemi këto burime në depozita të mëdha përgjatë bregut të Detit të Zi. Ky është avantazhi krahasues i ardhshëm i Turqisë”, theksoi nënkryetari.

Qershorin e kaluar Turqia zbuloi një fushë të re gazi natyror në Detin e Zi.

Studimet paraprake kanë treguar se fusha e re Amasra-1 përmban rezerva të konsiderueshme gazi.

Asnjë detaj tjetër në lidhje me depozitën nuk u dha asokohe.

Në gusht të të njëjtit vit, presidenti turk Reccep Tayyip Erdogan njoftoi se Turqia kishte gjetur fushën më të madhe të gazit natyror në historinë e saj në Detin e Zi.

Sipas tij, fusha përmbante 320 miliardë metra kub gaz dhe shpresonin të fillojnë me zhvillimin e saj deri në vitin 2023.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.