“Dashuria duhet vënë në veprim”, predikonte Shenjtorja Nënë Tereza, simboli më përfaqësues dhe frymëzues i humanizmit, solidaritetit dhe i vajzës, motrës dhe nënës së dhembshur shqiptare.
Kështu e kujtoi ditën e lindjes së Nënë Terezës Presidenti i Republikës së Shqipërisë, Ilir Meta, mesditën e 26 gushtit.
“Sot, në 111-vjetorin e lindjes së saj, nderimi më i madh që mund t’i bëjmë është të ndjekim shembullin e veprës së saj dhe vlerat më të mira kombëtare, njerëzore dhe hyjnore që promovoi gjatë gjithë angazhimit jetësor”, vijon më tej Meta.
Presidenti e mbyll urimin për të me një ndër shprehjet e saj më të famshme, “jo të gjithë ne mund të bëjmë gjëra të mëdha, por secili nga ne mund të bëjë gjëra të vogla me dashuri të madhe”.
Ndërsa kryeministri i Shqipërisë, Edi Rama, e nisi mëngjesin me një urim për ditën e lindjes së Nënë Terezës.
“Me këtë foto të Nënë Terezës së shenjtë në ditën e lindjes së saj, ju uroj një ditë të paqtë si vetë ajo”, shkruan Rama në median sociale Facebook.
Po ashtu edhe ministrja për Evropën dhe Punët e Jashtme, Olta Xhaçka, ka kujtuar lindjes e të shenjtës Nënë Tereza.
“111 vjet më parë lindi një grua e veçantë, e cila ia kushtoi jetën kujdesit për njerëzimin”, shkruan Xhaçka në median sociale Twitter.
Nga ana tjetër ministjra Xhaçka kujton se, “sot, Shqipëria po përgatitet të presë mijëra që ikin për jetën e tyre. Ne jemi krenarë që solidariteti dhe bamirësia që ajo predikoi dhe praktikoi, është gjallë në mesin e shqiptarëve”.
111 years ago a special woman was born who dedicated her life to caring for humanity. Today, as #Albania prepares to host thousands fleeing for their lives, we are proud that the solidarity & charity she preached & practiced,is alive among Albanians.Happy Birthday Mother Teresa! pic.twitter.com/LNF7LMG5eN
— Olta Xhaçka🇦🇱 (@xhacka_olta) August 26, 2021
26 gushti shënon ditën e lindjes së Anjezë Gonxhe Bojaxhiu, e njohur si Nënë Tereza, në Shkup të vitit 1910.
Kush ishte Gonxhe Bojaxhiu?
Gonxhja ishte fëmija i tretë i Nikollë Bojaxhiut me origjinë nga Mirdita dhe e Drane Bojaxhiut nga Novo Sella e Gjakovës.
Gonxhja lindi në Shkup, të Shqipërisë – të pushtuar prej Perandorisë osmane – sot Republika e Maqedonisë.
Një ditë pas lindjes, ajo u pagëzua në kishën e Zemrës së Krishtit nga famulltari i atëhershëm Dom Zef Ramaj.
Gonxhja kishte një vëlla dhe një motër. Vëllai quhej Lazër Bojaxhiu dhe studioi në Grac të Austrisë në Akademinë Ushtarake, por për shkaqe politike emigroi qysh herët në Itali. Kurse motra quhej Age Bojaxhiu.
Gonxhja mësimet e para i mori në një shkollë shqipe në Shkup. Aty ajo mbaroi dhe gjimnazin, por në gjuhën serbo-kroate.
Pasionet e rinisë së Gonxhes ishin të bëhej mësuese, të shkruante dhe recitonte poezi dhe të kompozonte e të luante muzikë.
Emrin “Tereza” e mori kur ishte 18 vjeçe dhe u dorëzua murgeshë. Nënë Tereza u largua më 26 shtator 1928 nga Shkupi në drejtim të Dublinit, Irlande. Prej kësaj dite, nënë, bijë e motër nuk do të shiheshin më kurrë.
Nënë Tereza u vendos në Kalkuta (Indi) ku fillimisht u bë mësuese dhe shumë shpejt drejtore e shkollës së vajzave.
“Nënë Tereza e Kalkutës” u quajt kur themeloi urdhrin “Misionaret e Dashurisë” në vitin 1951, për t’u shërbyer më të varfërve dhe më të pashpresëve të Kalkutës, Indisë dhe gjithë botës.
Në vitin 1979, ajo mori çmimin Nobel për Paqen. Vit kur e gjithë bota mësoi se Nënë Tereza ishte shqiptare.
Shqiptarja trupvogël ishte kthyer në një legjendë të gjallë. Ajo ishte nënë kujdestare e 7 mijë e 500 fëmijëve në 60 shkolla. Ishte nënë që mjekonte 960 mijë të sëmurë në 213 dispanseri. Si dhe ishte e vetmja në botë qe trajtonte 47 mijë viktima të lebrozes në 54 klinika.
Gjithashtu Nënë Tereza kujdesej për 3 mijë e 400 pleq të braktisur, në 20 shtëpi pleqsh. Sipas të dhënave ajo kishte birësuar 160 fëmijë ilegjitimë e bonjakë. Këto janë shifrat e mesit të viteve ’80.
Nënë Tereza ishte një grua shumë bujare, humane dhe zemërgjerë.
Disa nga çmimet që iu dhanë Nënë Terezës
Çmimi Damian Dutton
1962 – Çmimi Ramon Magsaysay
1973 – Çmimi Templeton
1978 – Çmimi Balzan
1979 – Çmimi Nobel për Paqe
1980 – Çmimi Bharat Ratna
1985 – Çmimi Medal of Freedom
1996 – Qytetare nderi e Shteteve të Bashkuara të Amerikës
1996 – Dekorata Qytetar Nderi i Kosovës
Në vitin 2003, Aeroportit i Tiranës, përfundimisht do të quhej “Aeroporti i Nënë Terezës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Emigrantët, gjysma e BE-së kërkon të ndjekë modelin e Shqipërisë me Italinë
-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
53 milionë lekë dëm shtetit, arrestohet 1 person në Tiranë
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Emigrantët, gjysma e BE-së kërkon të ndjekë modelin e Shqipërisë me Italinë
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit