Qeveria shqiptare po i kushton më shumë vëmendje barazisë gjinore, thonë Kombet e Bashkuara
Qeveria shqiptare po i kushton më shumë vëmendje barazisë gjinore, duke përfshirë avancimin e konsiderueshëm të grave në pozita udhëheqëse dhe përfaqësim politik.
Kështu shkruan Delegacioni i Kombeve të Bashkuara në progres-raportin për vitin 2021 të Shqipërisë.
Ajo shkruan se barazia gjinore është një parim thelbësor në Ligjin e Buxhetit Organik të vitit 2016.
Kjo e fundit, shkruan OKB-ja, i mundëson Shqipërisë që të dallohet mes shumë vendeve evropiane.
Në mënyrë të ngjashme, vëren raporti, përfshihet edhe një deklaratë e bazuar në fakte për pabarazinë gjinore në sektorët përkatës, ku parashikohen masa për të luftuar fenomenin.
“Programi i Bashkëpunimit për Zhvillim të Qëndrueshëm 2017–2021” është programi i tretë pesëvjeçar zhvilluar sipas qasjes Delivering-as-One (Të përcjella në Një).
Më shumë se 90 për qind e rezultateve të planifikuara në fillim të programit u arritën në kohë ose janë udhës, shkruan OKB-ja.
Vlerësimi i ndërhyrjeve të OKB-së në Shqipëri u përputh në objektivat e edukimit, forcimit të gjyqësorit, ulja e pabarazive dhe barazia gjinore.
Të dhënat
Gjatë pesë viteve të mbështetjes së OKB-së, qeveria rriti dukshëm aftësinë e saj për të monitoruar progresin, cilëson delegacioni.
Kjo, në zbatimin e rekomandimeve nga konventat ndërkombëtare të të drejtave të njeriut, traktatet dhe raportet e rregullta kombëtare.
Qeveria përmirësoi evidencën për veprimet e ndërmarra në përputhje me vëzhgimet dhe rekomandimet, shtoi OKB-ja.
Ndër të tjera, ajo gjeneroi angazhim më të fortë politik nga Parlamenti dhe institucionet e të drejtave të njeriut në vend.
Kjo, për të forcuar mekanizmat e llogaridhënies publike dhe për të rritur kontaktin me njerëzit e cenueshëm.
Sakaq, progres raporti vëren se raportimi dhe adresimi i të gjitha formave të dhunës ndaj grave dhe fëmijëve dhe trafikimi i qenieve njerëzore është përmirësuar ndjeshëm.
Për fëmijët, janë regjistruar arritje të rëndësishme për të drejtat dhe drejtësinë e të miturve në Shqipëri, vëren OKB-ja.
Rezultatet kryesore përfshijnë përparime të rëndësishme në kuadrin ligjor dhe politik, për shembull ato që inkurajojnë alternativat e paraburgimit.
“Në fund të vitit 2021, vendi përjetoi një ofrimi më të madh të shërbimeve sociale dhe shëndetësore”, shkruan më tej delegacioni.
Progres
Reforma e ofrimit të shërbimeve publike me qendër qytetarin ka avancuar, sipas OKB-së.
Kjo, përmes zgjerimit të shërbimeve të kujdesit ndaj klientit nëpër bashki.
Bashkive, shkruan raporti, u mundësohet të forcojnë transparencën, llogaridhënien dhe qeverisjen me pjesëmarrje.
Në lidhje me mbrojtjen e mjedisit, qeveria shqiptare rriti angazhimin e saj për përmirësimin e qëndrueshmërisë financiare të zonave të mbrojtura, vijon raporti.
“Përpjekjet e përbashkëta në dy vitet e fundit iu kushtuan veçanërisht përgjigjeve ndaj nevojave që lindën si nga tërmeti dhe krizës COVID-19”, thekson në përmbyllje OKB-ja.
Kjo, duke mbështetur komunitetet më të rrezikuara përmes solidaritetit dhe aftësive për të koordinuar me qeverinë dhe partnerë të tjerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
53 milionë lekë dëm shtetit, arrestohet 1 person në Tiranë
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit