Propozimi franko-gjerman, i mirë apo jo për Kosovën? – Lexoni 9 komente për draftin e publikuar në Albanian Post

Albanian Post të shtunën publikoi ekskluzivisht dokumentin prej nëntë nenesh të propozimit franko-gjerman, në të cilin, përmes Nenit 1, 2 dhe 3 Serbia pranon ekzistencën e Kosovës, ndërsa Neni 9 detyron Kosovën ta themelojë Asociacionin.

Propozim-marrëveshja e ka emërtimin “Marrëveshja Bazë për statusin e raporteve”, ka gjithsejtë nëntë nene dhe ato kryesoret janë të bazuara në kartën e Organizatës së Kombeve të Bashkuara, nga e cila rregullohen raportet ndër-shtetërore.

Neni i dytë i marrëveshjes është neni tjetër thelbësor i saj, përmes të cilit Serbia e pranon Kosovën dhe ekzistencën e saj si një aktor i barabartë në marrëdhëniet e përbashkëta.

“Kosova dhe Serbia do të udhëhiqen nga qëllimet dhe parimet e mishëruara në Kartën e Kombeve të Bashkuara, në veçanti nga barazia sovrane e të gjitha shteteve, respektimi i pavarësisë, autonomisë dhe integritetit territorial, e drejta e vetëvendosjes, ruajtja e të drejtave të njeriut dhe mosdiskriminimi”, thuhet në këtë nen, të cilit i është referuar edhe kryeparlamentari Glauk Konjufca kur ka shpjeguar disa detaje të marrëveshjes ditë më parë.

Në Nenin tre sërish ka referim në kartën e OKB-së.

“Në përputhje me Kartën e Kombeve të Bashkuara, Kosova dhe Serbia do t’i zgjidhin mosmarrëveshjet e tyre ekskluzivisht me mjete paqësore dhe do të përmbahen nga kërcënimi ose përdorimi i forcës”, pohohet në këtë nen, duke vazhduar më pas me një nga pjesët më të rëndësishme të dokumentit, “Ata (palët) riafirmojnë paprekshmërinë tani dhe në të ardhmen të kufirit/vijën ndarëse që ekziston ndërmjet tyre dhe marrin përsipër të respektojnë plotësisht integritetin e tyre territorial”.

Siç dihet, kryeministri i Kosovës e ka quajtur “bazë e mirë” për propozim dhe njëjtë është shprehur edhe presidentja Vjosa Osmani. Kurse kryeparlamentari i Kosovës, Glauk Konjufca, ka thënë se Kosova “nuk e ka luksin t’i thotë jo këtij propozimi”.

Por, çfarë mendojnë analistë e politikanë të tjerë në Kosovë për propozimin franko-gjerman?

Albanian Post ka marrë prononcimet e disa prej diplomatëve të Kosovës e njohës të zhvillimeve në Kosovë, për të komentuar draftin e publikuar në AP.

Më poshtë lexoni komentet e tyre:

Plani i publikuar nga AP, Ambasadori Cufaj: Ky propozim duket të jetë i ngrirë, derisa gjendet zgjidhje për targat

Ish-zëvendës-ministri i MPJ-së për dokumentin franko-gjerman: Disa elemente janë te pranueshme

Ish-zëvendësi i MPJ-së Berisha pas publikimit të planit franko-gjerman nga AP: E vetmja zgjidhje racionale, ndryshe bëhemi konflikt i ngrirë

Diplomati Arifi për propozimin franko-gjerman të publikuar nga AP: Konsolidon dhe integron Kosovën në strukturat euro-atlantike

Muhaxhiri për Albanian Post: Neni 2 i propozimit franko-gjerman është njohje me “N” të madhe

Gashi për propozimin franko-gjerman të publikuar nga AP: Tri pikat e para të mira për Kosovën, pika 9 përmbush parakushtin e Serbisë

Lekaj: Plani franko-gjerman zgjidh probleme, por Kurti e bllokoi me targa

Bytyçi për dokumentin franko-gjerman: Kosova mund ta pranojë, “por djalli është në detaje”

Rrecaj për propozimin franko-gjerman të publikuar nga AP: Njohja faktike e Kosovës, forcohet me tre nenet e para

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.