![](https://albanianpost.com/wp-content/uploads/2024/04/438833485_973752634109276_40340321322326424_n.jpg)
Deputeti i Partisë Demokratike të Kosovës dhe njëri nga anëtarët e Komisionit për Shëndetësi, Bekim Haxhiu, ka vlerësuar kontributin e ish presidentes së Kosovës, Atifete Jahjaga për shëndetësinë.
Haxhiu, përmes një shkrimi në rrjetin social ‘Facebook’ ka thënë se më shumë përpjekje po bëhen për ta përmirësuar këtë drejtim nga Jahjaga sesa nga qeveria Kurti.
“Më shumë po kontribuon ish – presidentja Atifete Jahjaga për sektorin e shëndetësisë se krejt Qeveria Kurti. Lajm i mirë instalimi i aparaturës se PET-CT-së në QKUK, falë donacionit që e sigurojë ajo”.
Tutje ai ka thënë se ky funksionalizim do t’i ndihmojë jashtëzakonisht shumë pacientët.
“Për këtë ndihmë Jahjaga meritoi trajtim më dinjitoz, jo ashtu siç ja dorëzuan mirënjohjen teksa hynte në makinë”, ka shkruar Haxhiu.
Ai shtoi se “këta qeveritarë janë mosmirënjohës, xheloz, të paaftë e të korruptuar”.
SPECT/CT/PET, pajisja mjekësore më e fundit tashmë është pjesë e Qendrës Klinike Universitare të Kosovës.
Nga presidentja e Kosovës, Vjosa Osmani, është thënë se kjo është bërë “falë mbështetjes së Alëaleed Philanthropies Global nga Arabia Saudite”.
“Qytetarët tanë tanimë do të mund të marrin kujdesin që u nevojitet pikërisht këtu në shtëpi, të rrethuar nga familja dhe të afërmit e tyre”.
Ndërsa nga ministri i Shëndetësisë, Arben Vitia, është thënë se kjo pajisje është e para në rajon.
“Tumoret do diagnostikohen në fazat e hershme. Vlerëson saktësisht shpërndarjen e sëmundjes, monitoron efektet e trajtimit dhe vlerëson funksionimin e organeve”, ka shkruar ai.
Ndër të tjera ka shtuar se me funksionalizimin e këtij shërbimi të ri në QKUK, qytetarët e Kosovës s’do të kenë nevojë që këtë shërbim ta marrin jashtë vendit.
Teksa ka bërë të ditur se në vitin 2023 për këtë procedurë janë referuar jashtë vendit mbi 300 pacientë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”
-
Dogana konfiskon afër gjysmë milion euro ari
-
Sveçla për Enver Zymberin: U kthye në shembullin e motivin e qindra vajzave dhe djemve të Kosovës
-
Konjufca, Gërvalla e Bislimi bëjnë homazhe pranë lapidarit të policëve të rënë në krye të detyrës
Lajmet kryesore
-
Prokuroria e Tiranës i dërgon dosjen e ’21 Janarit’ SPAK-ut
-
Deputetet kërkojnë që ‘një në tre emra të jetë grua’ edhe pas rirenditjes me votë preferenciale
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”