Papa u përgjigjet kritikave izraelite mbi komentet për ligjin hebre

Njё reagim pas komenteve lidhur me librat e shenjtё hebraik, pritet të vijë nga Papa Francesku, pas ngritjes sё shqetёsimeve nga rabinёt kryesorё tё Izraelit.

Lajmin e bёn tё ditur Vatikani dhe komuniteti hebre tё hёnёn e 6 shtatorit.

Muajin e kaluar, Reuters raportoi se rabini Rasson Arousi, kryetar i Komisionit të Krye Rabinatit të Izraelit për Dialogun me Selinë e Shenjtë, i kishte shkruar një letër të ashpër Vatikanit, duke thënë se komentet e Papёs, duket se sugjeronin se Torah, ose ligji hebre, ishte i vjetruar.

“Ligji sidoqoftë nuk ka mё impakt. Nuk ofron përmbushjen e premtimit, sepse nuk është në gjendje të jetë në gjendje ta përmbushë atë… Ata që kërkojnë jetën duhet të shikojnë nga premtimi dhe përmbushja e tij në Krishtin”, tha Papa nё njё auditor të përgjithshëm më 11 gusht.

Torah, pesë librat e parë të Biblës Hebraike, përmbanin qindra urdhërime që hebrenjtë duhet të ndjekin në jetën e tyre të përditshme.

Masa e respektimit të grupit të gjerë të udhëzimeve ndryshon midis hebrenjve ortodoksë dhe hebrenjve reformues.

Arousi i dërgoi letrën e tij në emër të Krye Rabinatit, autoritetit suprem rabinik për Judaizmin në Izrael – Kardinalit Kurt Koch, departamenti i të cilit në Vatikan përfshin një komision për marrëdhëniet fetare me hebrenjtë.

Në letrën, Arousi i kërkoi Koch-it të “përcillte shqetësimin tonë te Papa Françesku” dhe kërkoi një sqarim nga Papa për të “siguruar që çdo përfundim nënçmues i nxjerrë nga kjo predikim të kundërshtohet qartë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.