‘Njëbrirëshi’ qëndron vetëm 1500 vite dritë larg nesh dhe është vetëm tre herë më masiv se dielli.
Astronomët me sa duket kanë gjetur vrimën e zezë më të afërt të njohur në Tokë, një objekt çuditërisht i vogël i quajtur “Njëbrirësh” që fshihet vetëm 1 mijë e 500 vite dritë larg nesh.
Nofka ka një kuptim të dyfishtë. Jo vetëm që kandidati i vrimës së zezë banon në konstelacionin Monoceros (“njëbrirëshi”), por masa e tij rreth tre herë më e madhe se ajo e diellit – e bën atë gati unik.
“Për shkak se sistemi është kaq unik dhe kaq i çuditshëm, ai patjetër e meriton pseudonimin “Njëbrirëshi”, tha udhëheqësi i ekipit zbulues, Tharindu Jayasinghe, një P.h.D. i astronomisë.
“Njëbrirëshi” ka një shok. Një yll gjigand të kuq që po i afrohet fundit të jetës së tij. Dielli ynë do të fryhet si një gjigant i kuq në rreth pesë miliardë vjet. Ky shoqërues është vërejtur nga një larmi instrumentesh gjatë viteve, duke përfshirë Sondazhin e Automatizuar All Sky dhe Satelitin Survejues të Exoplanetit Transitues të NASA-s.
Jayasinghe dhe kolegët e tij analizuan atë grup të madh dhe vunë re diçka interesante: drita e gjigantit të kuq zhvendoset në intensitet periodikisht, duke sugjeruar që një objekt tjetër po tërheq yllin dhe po ndryshon formën e tij.
Ekipi përcaktoi se objekti që bën tërheqjen ka të ngjarë të jetë një vrimë e zezë – njëra që strehon vetëm tre masa diellore, bazuar në detajet e shpejtësisë së yllit dhe shtrembërimin e dritës. Për perspektivë: Vrima e zezë supermasive në zemër të galaktikës sonë Rruga e Qumështit paketon rreth 4.3 milion masa diellore.
“Ashtu si graviteti i hënës shtrembëron oqeanet e Tokës, duke bërë që detet të fryhen drejt dhe larg Hënës, duke prodhuar batica të larta, ashtu edhe vrima e zezë shtrembëron yllin në një formë të ngjashme me topin e futbollit me një bosht më të gjatë se tjetri”, tha në një deklaratë bashkëautori i studimit Todd Thompson, kryetari i departamentit të astronomisë së Shtetit Ohio.
“Shpjegimi më i thjeshtë është se kemi të bëjmë me një vrimë të zezë dhe në këtë rast, shpjegimi më i thjeshtë është më i mundshmi”.
Përshtatur nga Reuters për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
Prodhuesit vënë bast për makinat hibride teksa kalimi në ato elektrike ngadalësohet
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit