Sevasti Qiriazi-Dako, arsimtarja e atdhetarja e njohur shqiptare, u lind më 24 shkurt të vitit 1871 në Manastir. Ajo do të ndahej nga jeta më 30 gusht të vitit 1949.
Ishte njëra prej femrave atdhetare shqiptare dhe nismëtare e organizimit të arsimit kombëtar për femra.
Gjatë qëndrimit në Stamboll, Naim Frashëri, ishte ai që i dha mundësi Sevasti Qiriazi-Dakos të studionte në kolegjin me emër Robert College në Kostandinopojë e të luante një rol aktiv në arsimimin e grave.
Shkollën e lartë e kreu në Stamboll. Pas kthimit në atdhe, nisi të punonte për shkollën shqipe të vashave.
Ajo qe e para grua shqiptare që studioi në këtë institucion amerikan, të cilin e kreu në qershor të vitit 1891.
Me t’u kthyer në Shqipëri, mori pjesë në ngritjen e shkollës së vashave në Korçë më 1891.
Kjo shkollë është edhe fillimi i një shkolle mbi bazën laike.
Pas Luftës së Parë Botërore, kjo shkollë njihej ende me emrin e familjes Qiriazi.
Ajo mori pjesë edhe në Kongresin e Manastirit, ku u mor kryesisht me përgatitjen e teksteve shkollore.
Është thënë se Sevasti Qiriazi-Dako ka botuar një gramatikë për shkollat fillore (Manastir 1912) dhe ka redaktuar një radhë tekstesh historie.
Me të shoqin, gazetarin dhe shkrimtarin Kristo Anastas Dako (1878-1941) e me të motrën Parashqevi Qiriazi ajo vajti në Rumani e prej andej emigroi në Shtetet e Bashkuara, ku bashkëpunoi me të përdyjavshmen “Yll’ i mëngjesit”.
Motrat Qiriazi ishin mësueset dhe edukatoret e para të shkollës së vashave që u hap më 1891 në Korçë.
Nga kjo shkollë dolën shumë emra të njohur të femrave të cilat kontribuuan, jo vetëm në fushën e arsimit, por u bënë edhe luftëtare të njohura të çështjes kombëtare.
Sevasti Qiriazi mori pjesë në Kongresin e Elbasanit, si dhe punoi në komisionin për shqyrtimin e teksteve shkollore të ngritur nga shoqëria “Përparimi”.
Po ashtu, ajo shkroi “Gramatika elementare për shkollat fillore” dhe bashkëpunoi me atdhetarë dhe me Ismail Qemalin për çështjen kombëtare.
Kur ishte kryetare e partisë “Partia Kombëtare Shqiptare” në SHBA, mbrojti të drejtat e shqiptarëve në shumë forume ndërkombëtare.
Duke iu përkushtuar përparimit kombëtar, dha ndihmesë në fushën e arsimit dhe emancipimit shoqëror të femrës shqiptare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Magjia e ndryshimit: Një interpretim unik i klasikut të pavdekshëm “Baresha”
-
Katy Perry përmbyll përfundimisht angazhimin e saj në “American Idol”
-
Chris Hemsworth do të nderohet me një yll në “Hollywood Walk of Fame”
-
Historia e pabesueshme e ishullit të paarritshëm dhe dy vëllezërit që jetuan atje për dy vjet