Mubadala Investment Co. i Abu Dhabi-t po rishikon strukturën dhe po vendos kapital për të dyfishuar madhësinë në gati gjysmë trilionë dollarë në dekadën e ardhshme.
Mubadala shfrytëzoi mundësitë e krijuara nga një zhvendosje në tregje e shkaktuar nga pandemia.
Për të ndihmuar në arritjen e synimit, Mubadala do të vendosë disa ndryshime strukturore këtë muaj, rezultati i një rishikimi që filloi në 2019.
Fokusi do të jetë në teknologji dhe infrastrukturë krahas investimeve të vazhdueshme në burime të rinovueshme dhe teknologji të tjera.
Abu Dhabi zotëron pothuajse 6% të rezervave të naftës në botë.
Emiratet e Bashkuara Arabe do të përdorin fondin 232 miliardë dollarësh për të shfrytëzuar mundësitë e krijuara për investime.
Dyfishimi i madhësisë së kapitalit do ta kthente Mubadala-n në fondin e dhjetë më të madh të pasurive në 2030.
Përmes dyfishimit të kapitalit pritet një normë vjetore rritjeje prej rreth 7%.
Mubadala përdori 11.5 miliardë dollarë për investime të reja në vitin 2020. Këto investime janë 51% më shumë se një vit më parë.
Mubadala po riformon strukturën e tij për t’u përqëndruar në katër sektorë: investime në Emiratet e Bashkuara Arabe, investime të drejtpërdrejta, pasuri të patundshme dhe infrastrukturë.
Mubadala po ndryshon gjithashtu mënyrën e raportimit të rezultateve./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
