Ambasada ruse në Filipine është përfshirë nga zjarri të premten e 4 shkurtit.
Sipas njoftimeve të para zyrtare, objekti ka pësuar dëmtime të konsiderueshme. Shkaqet e shpërthimit ende janë duke u hetuar.
Si pasojë e incidentit nuk ka persona të lënduar. Stafi i ambasadës, si dhe familjarët e tyre që ndodheshin në ndërtesë, u evakuuan.
“Në bashkëpunim me shërbimet e urgjencës filipinase, burimi kryesor i zjarrit u eliminua menjëherë dhe puna për shuarjen e zjarrit do të përfundojë në të ardhmen e afërt”, tha Ministria e Punëve të Jashtme ruse në një deklaratë.
Media digjitale e Filipineve “Rappler” raportoi fillimisht lajmin.
Ajo postoi një video në kanalin e saj YouTube që shfaq çatinë e djegur të ndërtesës së ambasadës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Promovimi i barazisë, përfshirjes sociale dhe mosdiskriminimit në Shqipëri
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit
