Kurti me kryetarin e Presidencës së BeH diskutojnë për zbatimin e marrëveshjes për lëvizjen me letërnjoftime
Kryeministri i Kosovës, Albin Kurti, gjatë vizitës së tij në Paris në prag të Forumit të Paqes është takuar me përfaqësuesin e presidencës së Bosnjë Hercegovinës, me të cilët ka biseduar për rëndësinë e zbatimit të marrëveshjeve nga Procesi i Berlinit.
Përmes një shkrimi në platformën ‘X’, ka thënë se marrëveshja për lëvizjen me letërnjoftime.
“Faleminderit kryetarit të Presidencës së Bosnjë-Hercegovinës, Zheljko Komshiç dhe anëtarit të Presidencës, Denis Beçiroviç, për një takim produktiv. Diskutuam rëndësinë e zbatimit të plotë të marrëveshjeve të Procesit të Berlinit, veçanërisht asaj për lëvizjen e lirë me letërnjoftim dhe eksploruam bashkëpunimin e mëtejshëm”, shkruan Kurti.
Thanks to Chair of Bosnia & Herzegovina's Presidency, Željko Komšić, and member of the Presidency, Denis Bećirović, for a productive mtg. We discussed the importance of full implementation of Berlin Process agrmts—esp. on free movement w/ ID cards—& explored further cooperation. pic.twitter.com/QIYXgxyJsm
— Albin Kurti (@albinkurti) November 10, 2023
Kreu i ekzekutivit të Kosovës, ka udhëtuar të mërkurën drejt Francës, ku me ftesë të presidentit francez, ka marrë pjesë në edicionin e sivjetmë të PPF-së, derisa pritet të jetë pjesë e darkës me krerët e shteteve dhe qeverive pjesëmarrëse të enjten, ndërsa të shtunën (11 nëntor) do të marrë pjesë në një panel diskutimi, por pritet të ketë edhe aktivitete të tjera, përfshirë takime bilaterale.
PPF-ja është një event madhor tradicional, ku liderët botërorë, diplomatët, krerët e organizatave ndërkombëtare dhe personalitete të shoqërisë civile mblidhen për të adresuar nevojat e bashkëpunimit të shteteve për çështje të ndërvarura, posaçërisht në kohëra të turbulencave ndërkombëtare e nën trysninë e kërcënimeve të sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia: Rreth 74 milionë dinar janë konfiskuar në Veri
-
Kurti ka dhënë dorëheqje, s’është më i interesuar për punë, thotë Abdixhiku
-
Mosanëtarësimi në KiE: Kurti s’flet për dështimet – sidomos nëse s’mund t’i fajësojë rivalët politikë
-
Aksioni në Veri, Vuçeviç: Për shkak të dështimit në KiE, Kurti po kërcënon mbijetesën e serbëve