Kurti falenderon deputetët: Jemi shteti i parë që ratifikon tri marrëveshjet nga Procesi i Berlinit
Kryeministri i Kosovës, Albin Kurti, përmes llogarisë së tij në Facebook, ka falënderuar deputetet e Kuvendit të Kosovës për mbështetjen që i dhanë tre marrëveshjeve të Procesit të Berlinit, duke u bërë shteti i parë në Ballkanin Perëndimor që i ratifikoi ato.
“Falënderues për mbështetjen e secilit deputet dhe secilës deputete. Bashkë, sot dëshmuam se Republika jonë është për bashkëpunim të mirë rajonal dhe për progres dhe ecje të shpejtë në jetësimin e Tregut të Përbashkët Rajonal”, shkroi Kurti.
Qeveria e Kosovës, më 8 shkurt, kishte miratuar marrëveshjen për lëvizjen e lirë me letërnjoftime në Ballkanin Perëndimor, e cila do të mundësojë lëvizjen pa viza të qytetarëve nga Kosova dhe Bosnjë dhe Hercegovina.
Më 3 nëntor, gjashtë shtetet e Ballkanit Perëndimor arritën edhe marrëveshjen për njohjen e kualifikimeve të arsimit të lartë dhe atë për njohjen e kualifikimeve profesionale të mjekëve, dentistëve dhe arkitektëve.
Prandaj, kreu i ekzekutivit tha se marrëveshjet që u ratifikuan të enjten, do të rrisin mobilitetin e studentëve, punëtorëve dhe bizneseve dhe do të sjellin përfitime për të gjithë Ballkanin Perëndimor.
Marrëveshja në fjalë pritet të miratohet gjithashtu edhe në Këshillin e Ministrave të Bosnjë dhe Hercegovinës, e cila më pas do të dërgohet për miratim në Asamblenë Parlamentare të Bosnjë dhe Hercegovinës.
“Shpresojmë që edhe vendet tjera nënshkruese të ndjekin ritmin e njëjtë ashtu që të mirat për qytetarët tanë të fillojnë sa më parë”, ka shkruar kryeministri Kurti në llogarinë e tij në Facebook.
Procesi i Berlinit nisi në vitin 2014 si një iniciativë diplomatike lidhur me të ardhmen e zgjerimit të Bashkimit Evropian me fokus raportet e BE-së me vendet e Ballkanit Perëndimor që kishin filluar ta humbnin durimin me procedurat burokratike të unionit që ngjanin si pengesa pa cak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit