Krasniqi-Goodman kërkesë publike Kurtit e Osmanit: Të shqyrtohen rastet e refuzuara të të mbijetuarave të dhunës seksuale
Vasfije Krasniqi-Goodman, njëra ndër të mbijetuarat e dhunës seksuale gjatë luftës në Kosovës, ka njoftuar të enjten se Komisioni Qeveritar për Njohjen dhe Verifikimin e Statusit të Personave të Dhunuar gjatë Luftës Çlirimtare të Kosovës, ka rifilluar procesin e aplikimit për njohje të statusit të viktimave të dhunës seksuale.
Mirëpo, ajo ka kërkuar nga presidentja e Kosovës, Vjosa Osmani, kryeministri Albin Kurti dhe Këshilli Gjyqësor i Kosovës (KGJK), të angazhohen maksimalisht që rastet e refuzimit të statusit të viktimave të dhunës seksuale të shqyrtohen dhe të mbijetuarave që po presin vendimet e gjykatave t’u njihet statusi.
“Personalisht kam takuar qindra viktima, shumë prej të cilave u është refuzuar paarsyeshëm statusi. Si viktimë, që kam kaluar gjithashtu nëpër një proces të mundimshëm verifikimi, kërkoj nga Presidentja Vjosa Osmani, Kryeministri Albin Kurti dhe Këshilli Gjyqësor i Kosovës të angazhohen që rastet e refuzuara të shqyrtohen”.
“Është humbur shumë kohë dhe shumë viktima kanë vdekur në errësirën e traumës së tyre, ju lutem mos lejoni që kjo të ndodhë edhe me të tjerat”, ka apeluar Krasniqi-Goodman, e cila vazhdon t’ia (ri)dëshmojë botës një krim të padenuar – rreth 20 mijë raste të dhunimeve seksuale nga pjesëtarët e forcave serbe në Kosovë.
Të mbijetuarat e dhunës seksuale në Kosovë, që prej vitit 2014, mund të marrin statusin e viktimës së dhunës seksuale dhe të përfitojnë një pension prej 230 eurosh, por duhet të kalojnë përmes disa procedurave për njohjen dhe verifikimin e statusit të tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Leonarda Cianciulli, sapunbërësja e Corregios: Kam prerë tre gra në copa, ishin sakrifica njerëzore për të më mbrojtur nga një mallkim
-
Një goditje dërrmuese për Izraelin dhe një bast masiv nga ICC-ja
-
Diplomati i lartë izraelit i kërkon AIPAC që të marrë ‘hapa dramatikë’ kundër ICC-së
-
Gjermania thotë se respekton ICC-në, por se Izraeli ka të drejtë të mbrojë veten