Kleriku Shiit Sadr del i pari në zgjedhjet parlamentare të Irakut

Partia Shiit-e e klerikut Moqtada al-Sadr, sipas rezultateve fillestare, po arrin të dalë e para dhe duke rritur numrin e vendeve që ai mban në parlament në zgjedhjet parlamentare të Irakut. Këtë e ka njoftuar një zëdhënës i Lëvizjes Sadrist-e, të martën e 12 tetorit.

Një numërim i bazuar në rezultatet fillestare nga disa provinca irakiane plus kryeqytetin Bagdad – i verifikuar nga zyrtarët e qeverisë lokale – sugjeroi që Sadr-i kishte fituar më shumë se 70 nga 329 vendet në parlament.

Një zëdhënës i zyrës së Sadr-it tha se numri ishte 73 vende. Mediat lokale publikuan të njëjtën shifër.

Një zyrtar në komisionin zgjedhor të Irakut tha se Sadr-i ishte i pari, por nuk mund të konfirmonte menjëherë sa vende kishte fituar partia e tij.

Zgjedhjet në Irak

Një sondazh doli në përfundimin se pjesëmarrja e irakianëve në zgjedhjet parlamentare ka qenë e ulët, pasi njerëzit bojkotuan procesin e votimit.

Sipas Komisionit Zgjedhor, pjesëmarrja mbarëkombëtare në votimin e gjashtë, që nga rrëzimi i Sadam Husein-it në vitin 2003, ishte 41%.

Ndërsa sipas Fondacionit Ndërkombëtar për Sistemet Zgjedhore në zgjedhjet e fundit, pjesëmarrja ka qenë mesatarisht pak më shumë se 65%.

Më parë, kishte frikë se do të ishte aq i ulët sa 25%, me të rinjtë e zhgënjyer të vendit dhe klasat e mesme që qëndronin kryesisht në shtëpi.

Përpara sondazhit kishte pretendime të përhapura se votimi për një klasë politike – e cila akuzohet se ka bërë pak për të ofruar shërbime bazë ose për të siguruar qytetarët e vendit – do të ruante status quo-në.

Zgjedhjet ishin thirrur në përgjigje të protestave antiqeveritare në tetor të vitit 2019, që kishin çuar në të paktën 600 persona të vrarë nga ushtarët e qeverisë dhe anëtarët e milicisë.

Që atëherë, një numër i madh aktivistësh kanë shkuar në mërgim dhe disa dhjetëra kritikë të qeverisë janë vrarë brenda Irakut.

Gara për ndikim në Parlamentin e Irakut me 329 vende zhvillohet midis blloqeve politike, të cilët, në varësi të performancës së tyre, kanë ndikuar në zgjedhjen e kryeministrit.

Kjo e fundit shkon te një kandidat Shia-t, ndërsa presidenti, i atribuar një kurdi dhe kryetari i parlamentit, i cili sipas konventës është Sunni.

“Pazaret” për pozicionet priten të marrin shumë muaj.

Blloqet Shia-te kanë performuar fuqishëm në shumicën e zgjedhjeve të kaluara, trend i cili pritet të vazhdojë, me klerikun e fuqishëm Moqtada al-Sadr që pritet të marrë vota mirë.

Aleanca Fatah, e kryesuar nga ish-udhëheqësi i Njësive të Mobilizimit Popullor (PMU) – e cila u ngrit për të luftuar shtetin islamik në 2014-ën – është një tjetër mundësi që do të fitojë mbështetjen e votuesve.

Kryeministri aktual i Irakut, Mustafa al-Kadhimi, ka të ngjarë të jetë një kandidat për një mandat të dytë. Edhe pse ai ka të ngjarë të përballet me një luftë të zgjatur për të mbajtur punën e tij.

Në një vlerësim të përgatitur para sondazhit, Dr. Renad Mansour dhe Hayder al-Shakeri – specialistë të Irakut në Chatham House – shkruajtën se, “zgjedhjet janë një shembull i korrupsionit të sanksionuar politikisht, i cili ka dëmtuar qeverisjen në Irak që nga viti 2003”.

“Në Bagdad, grindja për formimin e qeverisë filloi muaj më parë, pavarësisht faktit se ende nuk ishte hedhur asnjë votë”, vijonin ata në arsyetimin e tyre.

Në qytetin verior të Irakut, Mosul, pjesëmarrja duket të jetë jashtëzakonisht e ulët.

Ndërkaq nuk u raportuan incidente serioze të sigurisë, pasi u mbajt votimi dhe rezultatet paraprake priten brenda 24 orëve.

Zgjedhjet ishin parashikuar të zhvilloheshin më 6 qershor, por një vendim i qeverisë në fillim të vitit vendosi se zgjedhjet zyrtarisht do të mbaheshin më 10 tetor. 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.