Jeton Zulfaj, këshilltari politik i kryeministrit të Kosovës, Albin Kurtit, përmes një postimi në rrjetin e tij social në Twitter, ka reaguar ndaj një deklarate të emisarit special të Bashkimit Evropian për dialogun, Miroslav Lajçak, i artikuluar së fundmi në një intervistë të dhënë për Euronews Serbia, ku ndër të tjera diplomati sllovak i përgjigjet kritikave për anshmëri në procesin e dialogut duke thënë se ai preferon të qëndrojë në mes, e jo të favorizojë njërën palë më shumë se palën tjetër.
Por, sipas Zulfaj, kjo strategji e BE-së në rastin e Kosovës dhe Serbisë është e gabuar, pasi sipas interpretimit të tij, ndërmjetësi i dialogut nuk mund të qëndrojë neutral kur në pyetje është një shtet demokratik si Kosova dhe një shtet autoritar si Serbia.
“Miroslav Lajçak beson se roli i tij është të jetë në mes. Në mes pavarësisht vlerave. Në mes të demokracisë dhe autokracisë. Në mes të së drejtës së Kosovës për të ekzistuar si shtet sovran, të cilën Serbia refuzon ta njohë, dhe kërkesës së Serbisë për një Republikë Srpska në Kosovë”, ka shkruar shkurtimisht Zulfaj në Twitter.
EUSR believes his role is to be in the middle.
In the middle despite values.
In the middle between democracy and autocracy.
In the middle between Kosova's right to exist as a sovereign state, which Serbia refuses to recognize, and Serbia's demand for a Republika Srpska in Kosova. pic.twitter.com/8JFAEmX99W— Jeton Zulfaj (@JetonZulfaj) June 30, 2023
Ndryshe Zulfaj, javë më parë, në një sërë reagimesh në rrjetin e tij social në Twitter, kishte përshkruar procesin se si kishte ardhur deri te tensionimi i situatës në Veri të Kosovës, pas vendimit të Qeverisë së Kosovës për të instaluar kryetarët e sapozgjedhur në ndërtesat komunale, nën asistencën e Policisë së Kosovës, duke nxjerrë kështu fajtor në një farë mënyre komunitetin ndërkombëtar, gjegjësisht Shtetet e Bashkuara të Amerikës.
Situata në terren, sipas Zulfaj, tregonte qartësisht se serbët e Kosovës në katër komunat do të bojkotonin zgjedhjet për shkak të presionit të Serbisë.
“Procesi u mbështet dhe rezultatet u njohën, por kur erdhi koha që kryetarët të shkonin në punë QUINT e tërhoqi mbështetjen. Pse?” kishte pyetur Zulfaj fillimisht.
Për të përgjigja ishte shumë e thjeshtë, kjo tërheqje e komunitetit ndërkombëtar – pas mbështetjes fillimisht – qëndron në një politik të vjetër e të gabuar, e që është zbutja/qetësimi i autokratëve, në këtë rast presidentit të Serbisë, Aleksandër Vuçiç.
“Është gjithashtu e qartë se kjo bie ndesh edhe me Strategjinë e Sigurisë Kombëtare të SHBA-ve e cila thotë se ne do të punojmë për të forcuar demokracinë në mbarë botën e cila të dërgon në një shoqëri më të begat dhe më elastike dhe krijon partnerë më të fortë dhe më të besueshëm ekonomikë dhe të sigurisë për SHBA-të”, tregon ai.
Prandaj Zulfaj kishte kërkuar që njerëzit të gjykojnë, bazuar në Strategjinë e Sigurisë Kombëtare të SHBA-ve, se kush është partneri më i mirë, në këtë rast Kosova dhe Serbia, për SHBA-të duke parë një fakt shumë të thjeshtë, se në Kosovë ka sundim të ligjit e në Serbi jo.
Events in the north of 🇽🇰 left many wondering. Here's a timeline of facts that led to attacks on NATO soldiers, K. Police & journalists by criminal gangs in Serbia's payroll. You be the judge if this is a lack of coordination or a lack of support for 🇽🇰 constitutional order. 1/6 pic.twitter.com/js00Cm91ep
— Jeton Zulfaj (@JetonZulfaj) June 9, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE