Këshilltari i Kurtit: Amerika po bën politika kundër strategjisë së vetë nacionale të sigurisë

Jeton Zulfaj, këshilltari politik i kryeministrit të Kosovës, Albin Kurtit, në një sërë reagimesh në rrjetin e tij social në Twitter, ka përshkruar procesin se si ka ardhur deri te tensionimi i situatës në Veri të Kosovës, pas vendimit të Qeverisë së Kosovës për të instaluar kryetarët e sapozgjedhur në ndërtesat komunale, nën asistencën e Policisë së Kosovës, duke nxjerrë kështu fajtor në një farë mënyre komunitetin ndërkombëtar, gjegjësisht Shtetet e Bashkuara të Amerikës.

Situata në terren, sipas Zulfaj, tregonte qartësisht se serbët e Kosovës në katër komunat do të bojkotonin zgjedhjet për shkak të presionit të Serbisë.

“Procesi u mbështet dhe rezultatet u njohën, por kur erdhi koha që kryetarët të shkonin në punë QUINT e tërhoqi mbështetjen. Pse?” pyet Zulfaj fillimisht.

Për të përgjigja është shumë e thjeshtë, kjo tërheqje e komunitetit ndërkombëtar – pas mbështetjes fillimisht – qëndron në një politik të vjetër e të gabuar, e që është zbutja/qetësimi i autokratëve, në këtë rast presidentit të Serbisë, Aleksandër Vuçiç.

In every step, it was clear that Kosova Serbs in the four municipalities were boycotting elections due to pressure from Serbia. The process was supported, & results were recognized, but when the time came for newly elected mayors to go to work, QUINT withdrew the support.Why? 2/6 pic.twitter.com/Rdgof6VwF0

— Jeton Zulfaj (@JetonZulfaj) June 9, 2023

“Është gjithashtu e qartë se kjo bie ndesh edhe me Strategjinë e Sigurisë Kombëtare të SHBA-ve e cila thotë se ne do të punojmë për të forcuar demokracinë në mbarë botën e cila të dërgon në një shoqëri më të begat dhe më elastike dhe krijon partnerë më të fortë dhe më të besueshëm ekonomikë dhe të sigurisë për SHBA-të”, tregon ai.

Prandaj Zulfaj ka kërkuar që njerëzit të gjykojnë, bazuar në Strategjinë e Sigurisë Kombëtare të SHBA-ve, se kush është partneri më i mirë, në këtë rast Kosova dhe Serbia, për SHBA-të duke parë një fakt shumë të thjeshtë, se në Kosovë ka sundim të ligjit e në Serbi jo.

Based on the United States National Security Strategy published in October 2022, you be the judge of who is a better partner for the United States of America by looking at these facts: pic.twitter.com/mEZP9tc9bY

— Jeton Zulfaj (@JetonZulfaj) June 9, 2023

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.