Ministrja e Industrisë, Ndërmarrësisë dhe Tregtisë, Rozeta Hajdari, ka deklaruar se nuk është ftuar nga Prokuroria e Shtetit lidhur me keqpërdorim të rezervave shtetërore.
Hajdari, e pyetur nga gazetarët tha se nuk është në dijeni nëse është nën hetime apo jo.
“Unë nuk jam ftuar asnjëherë nga askush për asgjë. Nuk e di që jam nën hetime”, deklaroi ajo shkurt para gazetarëve.
Sipas raportimeve të mediave, task-forca antikorrupsion në Policinë e Kosovës, aktualisht është duke hetuar së paku pesë ministra dhe një zëvendësministër të Qeverisë Kurti.
Të premten e 7 korrikut ishte shkarkuar nga detyra Shemsi Haziri, shef i Njësisë së Veçantë të Hetimeve, (ish Task Forcës kundër Korrupsion) brenda policisë ekipi që udhëhiqte hetimet ndaj ambasadorit të Kosovës në Kroaci, Martin Berishaj dhe ish-kryeshefit të Korporatës Energjetike të Kosovës, Nagip Krasniqi, ka reaguar Partia Demokratike e Kosovës.
Albanian Post ka kuptuar se shkarkimi i tij lidhet pikërisht me hetimet e tij ndaj ish-kryeshefit të KEK-ut, Nagip Krasniqi.
AP gjithashtu merr vesh se shkarkimi kishte ardhur nga niveli politik i udhëheqjes së Ministrisë së Punëve të Brendshme.
Hetimet për korrupsion, Durmushi: S’kam bërë asnjë shkelje, le të hetojnë çfarë të duan
Pas këtij raportimi i pari që reagoi ishte zëvendësministri i Infrastrukturës Hysen Durmishi.
Durmishi, tha se organet e drejtësisë janë të lira të nisin hetimet ndaj tij kur të dëshirojnë.
“Mbrëmë është publikuar një lajm që po hetohem për rastin e tiketave ngjitëse. Le të hetojnë çfarë të duan jo vetëm për këtë rast por për çdo gjë që nga dita e parë kur kam filluar punën”.
“Ka kaluar një vit e katër muaj prej kur kemi filluar me aplikimin e tiketave ngjitëse me zero kosto për qytetarët. Si rezultat i saj dhe masave tjera sot automjetet e paregjistruara në Kosovë kanë rënë nën pragun prej 5%. Ky ka qenë kriteri kryesor për kartonin e gjelbërt”, kishte shkruar Durmishi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani kërkon nga ministrja e Katarit rritje të bashkëpunimit
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës
-
Selimi vlerëson se pas dështimit në Këshill të Evropës, sanksionet ndaj Kosovës mund të pezullohen
-
Vodhën euro në bankat e vendeve të BE dhe tentuan t’i hidhnin në treg, arrestohen dy persona
Lajmet kryesore
-
Ebrahim Raisi humb jetën pas rrëzimit të helikopterit, qeveria mbledhje urgjente
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë
-
Liderët globalë shprehin ngushëllime për vdekjen e presidentit iranian
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës