Ishulli italian Vulcano: Kryetari urdhëron evakuim pas rritjes së aktivitetit të vullkanit dhe gazrave
Kryetari i ishullit Vulcano, në arkipelagun Aeolian të Sicily-së, ka urdhëruar të dielën e 21 nëntorit evakuimin e rreth 150 personave dhe ka ndaluar turistët për shkak të rritjes së aktivitetit vullkanik dhe gazrave në zonë.
Tetorin e kaluar, agjencia italiane e mbrojtjes civile lëshoi një alarm të kuq për ishullin e vogël në Detin Tirren, rreth 15 milje (25 km) në veri të Sicily-së, pas një sërë ndryshimesh të rëndësishme në parametrat vullkanikë.
Kryetari i bashkisë, Marco Giorgianni, kërkoi evakuimin pasi zona e portit të ishullit konsiderohet nga autoritetet italiane si më i ekspozuari ndaj gazrave squfur.
“Të dhënat tregojnë një rritje të gazrave që krijojnë shqetësime të forta sepse ato mund të përbëjnë një kërcënim për shëndetin publik”, tha kryebashkiaku të shtunën në një takim me banorët.
Sipas Institutit Kombëtar Italian për Gjeofizikën dhe Vullkanologjinë (INGV), ka pasur një rritje të gazeve të rënda që reduktojnë sasinë e oksigjenit në ajër, duke krijuar vështirësi në frymëmarrje që mund të kenë efekte vdekjeprurëse.
Autoritetet lokale kanë krijuar gjithashtu një “zonë të kuqe” ku niveli i gazit që i atribuohet aktivitetit vullkanik është më i përqendruar, me vlera të dyoksidit të karbonit (CO2) mbi nivelet normale.
Për rrjedhojë, kufizoi lëvizjen e banorëve të mbetur nga shtëpitë e tyre midis orës 23:00 dhe 06:00. Si dhe Ishulli nuk do të presë turistët jashtë kufijve për një muaj.
Më 21 tetor, disa njerëz në ishull raportuan se emetimet vullkanike kishin shkaktuar sëmundje te kafshët e tyre shtëpiake.
“Një ditë papritmas vura re se dhjetë macet e mia ishin shtrirë në dysheme sikur iu kishte rënë të fikët”, tha Stefania Lombardo për të përditshmen italiane “la Repubblica”.
Ai shtoi se, “dhe as unë nuk po ndihesha mirë, kisha vështirësi në frymëmarrje. Më thanë se ishte thjesht një sulm paniku, më pas mjekët konfirmuan se shkaku i sëmundjes ishte nxjerrja e gazrave nga krateri”.
Muajin e kaluar, duke iu referuar “rritjes së degazimit, temperaturave dhe sizmicitetit” në ishull, Marco Pistolesi, një profesor i vullkanologjisë në Universitetin e Pisa-s, tha, “për ata që e njohin ishullin, kjo nuk është vërejtur kurrë më parë”.
Shpërthimi i fundit në Vulcano ishte më shumë se 130 vjet më parë dhe zgjati nga data 2 gusht në vitin 1888 deri më 22 mars 1890-të.
Romakët besonin se ishulli i vogël ishte oxhaku i Vullkanit – perëndisë së zjarrit.
Në brigjet jugore të Italisë, vullkani më i madh aktiv në Evropë “Marsili” qëndron i fshehur nën valë. Shkencëtarët janë duke studiuar atë që do të ndodhë nëse do të shpërthente. Evropa është e mbuluar me vullkane, por shumica dërrmuese prej tyre janë zhdukur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE