Stanislava Pak, ish-anëtare e Partisë Progresive Serbe dhe ish-këshilltare për media e presidentit të mëparshëm të Serbisë, Tomislav Nikoliç, nëpëprmjet një cicërime në llogarinë e saj në “Twitter”, ka thënë se përgjegjës për korrupsionin masiv në Serbi është presidenti i tanishëm, Aleksandër Vuçiç, i cili edhe duhet të shkojë në burg.
Kështu ka vlerësuar ajo, pas njoftimit të Departamentit amerikan të Shtetit se ka vendosur sanksione ndaj kryespiunit serb, Aleksandër Vulin, i cili akuzohet për avancimin e korrupsionit në majat e pushtetit, trafikimin e armëve dhe të drogës e krimin e organizuar transatlantik.
“Në xhepat e Vuçiçit ka para nga droga, tregtia ilegale e armëve dhe nga qytetarët e grabitur. Në momentin që pushteti i uzurpuar kthehet në duart e prokurorëve kompetentë, të gjithë të përfshirët shkojnë në burg. Ju do t’i përgjigjeni personalisht thirrjes së vendeve perëndimore dhe turpërimin e të gjithë kombit”, ka shkruar ajo.
E presidenti serb ka thënë se është “jashtëzakonisht e rëndësishme” të kryhet një hetim ndaj drejtorit të Agjencisë së Sigurisë dhe Informacionit (BIA), pas vendosjes së sanksioneve nga Shtetet e Bashkuara të Amerikës, ndërsa ka shtuar se “kokaina nuk është gjetur në zyrën e Vulinit, por në Shtëpinë e Bardhë”.
“Unë nuk e vura re që kokaina është gjetur në zyrën e Vulinit, por në Shtëpinë e Bardhë. Por mendoj se është jashtëzakonisht e rëndësishme të kryhet një hetim”, ka deklaruar Vuçiçi të mërkurën në reagimin e tij të parë pas sanksioneve ndaj zyrtarit të lartë serb.
Vulini njihet për deklaratat e tij etno-nacionaliste dhe irredentiste rreth krijimit të të ashtuquajturës “botë serbe”, e cila, sipas tij, do të bashkonte “të gjithë serbët” në një shtet të vetëm dhe për lidhjet e tij të ngushta me Rusinë e me veçanërisht me presidentin rus, Vladimir Putin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Varshava do të shpenzojë 2.3 miliardë për të forcuar kufirin e saj me Ukrainën
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE
