Platforma Instagram po nxjerr mjete të reja që prindërit t’i përdorin për ndihmesë në monitorimin dhe kufizimin e përdorimit të aplikacionit për ndarjen e fotografive nga fëmijët.
Lëvizja vjen disa muaj pasi zbulimet nga një informator i Facebook-ut ngritën shqetësime për ndikimin e platformës te përdoruesit më të rinj.
Mjetet e reja të publikuara u ofrojnë prindërve mundësinë për të parë se sa kohë kalojnë fëmijët e tyre në Instagram dhe për të vendosur kufizime në përdorimin e tyre, si dhe dukshmëri në llogaritë që ndjekin ose ndiqen.
Aktualisht, opsionet janë të disponueshme për prindërit në Shtetet e Bashkuara të Amerikës, me plane për t’u përhapur globalisht në muajt e ardhshëm.
Ato u njoftuan më parë në një postim në blog nga kreu i Instagram-it, Adam Mosseri, në fund të vitit të kaluar.
Atë vit, denoncuesja e Facebook-ut, Frances Haugen, zbuloi qindra dokumente të brendshme, duke përfshirë disa që tregonin se kompania ishte në dijeni të mënyrave se si Instagram-i mund të dëmtojë shëndetin mendor dhe imazhin e trupit.
Pas kësaj, drejtuesit e kompanisë e gjetën veten në seancat dëgjimore.
Në muajt e ardhshëm, prindërit do të jenë në gjendje të përcaktojnë orë specifike të ditës që adoleshenti mund të përdorë aplikacionin.
Mosseri ka treguar se adoleshentët do të duhet të nisin procesin e mbikëqyrjes për Instagram-in në smartphone-in ose tabletin e tyre.
Të rriturit do të jenë në gjendje të kërkojnë mbikëqyrjen e llogarisë së adoleshentit nëpërmjet aplikacionit celular ose faqes së internetit duke filluar nga qershori.
Marrë nga “CNN”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
OpenAI konsideron të lejojë përdoruesit të krijojnë pornografi të krijuar nga AI
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit