Ambasadori i Shteteve të Bashkuara të Amerikës në Kosovë, Jeffrey Hovenier, nëpërmjet një cicërime në llogarinë e tij në “Twitter”, ka falënderuar kryetarin e Prishtinës, Përparim Rama, për organizimin e festës së 4 korrikut – Dita e Pavarësisë së SHBA-ve.
Në përvjetorin e 247-të të krijimit të shtetit amerikan edhe objekti i Presidencës së Kosovës është ndriçuar me flamurin e SHBA-ve – populli shqiptar i Kosovës vazhdon t’i jetë mirënjohës atij të SHBA-ve për ndihmën e dhënë para dhe pas përfundimit të luftës në Kosovë.
Në Prishtinë janë ngritur tre shtatore të personaliteteve të SHBA-ve – Presidentit të 42-të Bill Clinton, Sekretares së Shtetit Madeleine Albright dhe senatorit Bob Dole – ndërsa me emrin e Presidentit të 43-të George Bush është pagëzuar edhe një bulevard në qendër të kryeqytetit.
Megjithatë, amerikanë e kanë përjashtuar Kosovën nga stërvitjet ushtarake ndërkombëtare të udhëhequra nga NATO-ja – Defender Europe 2023 – duke e cilësuar këtë si masën e parë ndëshkuese ndaj Kosovës për shkak të moszbatimit të kërkesave të bashkësisë ndërkombëtare për uljen e tensioneve në veri të vendit.
Honored to attend & participate in Pristina Municipality’s Fourth of July celebration recognizing 🇺🇸 independence today. Thanks @Perparim_Rama for inviting my team and me — it’s meaningful for us to be able to celebrate our country with colleagues and friends while abroad! 🇺🇸 🇽🇰 pic.twitter.com/WAW7laHzAA
— Ambassador Jeff Hovenier (@USAmbKosovo) July 4, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
PD-ja italiane – pas fjalëve të Ramës – i kërkon Melonit të ndalojë fondet për kampin e emigrantëve në Shqipëri
-
Hapja e tenderit për monitorues të lajmeve, MASHT-i kërkon falje dhe arsyetohet me mungesë të stafit
-
I shkarkuar apo në detyrë? – KLP vendos të hënën për fatin e Alfred Ballës
-
Krasniqi letër Kurtit, Abdixhikut dhe Haradinajt për nevojën e mbajtjes së zgjedhjeve të parakohshme
