Ekspertët e Serie A besojnë se Allegri ka nënkuptuar shkarkimin pas duelit me Roma-n

Andrea Stramaccioni dhe Andrea Barzagli janë të bindur se Massimiliano Allegri pranoi se ishte në prag të shkarkimit gjatë një interviste pas ndeshjes të dielën.

Kontrata e Allegri-t me Juventus-in skadon në qershor të vitit 2025, por burime të shumta në Itali raportojnë se gjigantët e Serie A do të shkarkojnë teknikun e lindur në Livorno në fund të sezonit.

Edhe pse bardhezinjtë janë afër kualifikimit në Champions League dhe arritën në finalen e Kupës së Italisë, ata kanë grumbulluar vetëm 14 pikë në 14 ndeshjet e fundit dhe Allegri është kritikuar për stilin e tij të lojës së tepërt mbrojtës.

Para fillimit të ndeshjes Roma-Juventus të dielën, ish-mbrojtësi i tij në Torino, Barzagli, tani një ekspert i “DAZN”, tha: “Kam ndjenjën se Juventus-i do të ndryshojë, por kush e di, ndoshta Kupa e Italisë mund t’i bëjë ata të ndryshojnë mendje. E kam këtë ndjenjë, por nuk kam folur me askënd”.

Pas barazimit 1-1 kundër Roma-s, Allegri i dha një përgjigje të paqartë një pyetjeje për të ardhmen e tij dhe Stramaccioni dhe Barzagli ranë dakord për mesazhin që shefi i “Zonjës së Vjetër” donte të dërgonte.

“Nuk e di, duhet të pyesni klubin”, tha Max teksa u pyet për të ardhmen e tij te bardhezinjtë.

“Ai është një trajner që nuk është i sigurt (të qëndrojë)”, tha Stramaccioni, një ish-trajner i Inter-it.

“Situata është e pasigurt. Nga ajo që thotë, e kuptoj se ai është i pari që pranon se është në prag (largimit)”, shtoi ai.

Barzagli ra dakord: “Përndryshe, ai do të kishte thënë: ‘Në fund të sezonit, ne do të ulemi dhe do të shohim’”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.