Presidenti amerikan Joe Biden ka emëruar Bridget Brink si Ambasadore të Jashtëzakonshme dhe Fuqiplotë në Ukrainë.
Kështu njoftoi shërbimi për shtyp i Shtëpisë së Bardhë, shkruan Albanian Post.
Bridget Brink, një diplomate e lartë, aktualisht është ambasadore e SHBA-ve në Republikën Sllovake.
Para kësaj, ajo ka punuar si Këshilltare e Lartë dhe Zëvendës Ndihmës Sekretare në Zyrën e Çështjeve Evropiane dhe Euroaziatike në Departamentin amerikan të Shtetit, përgjegjëse për çështjet e Evropës Lindore.
Ajo ishte gjithashtu Zëvendës Shefe e Misionit në Ambasadat Amerikane në Tashkent (Uzbekistan) dhe Tbilisi, Gjeorgji.
Brink e kaloi karrierën e saj 25-vjeçare në Shërbimin e Jashtëm, duke u fokusuar në avancimin e politikës amerikane në Evropë dhe Euroazi.
Siç e dini, caktimi do të bëhet kur pala ukrainase të japë konfirmimin zyrtar.
Shtetet e Bashkuara nuk kanë një ambasador të përhershëm në Ukrainë që nga viti 2019.
Christina Quinn aktualisht është në detyrën e së Ngarkuarës me Punë në Ambasadën e SHBA-ve në Kiev.
Më herët, u bë e ditur se Shtetet e Bashkuara së shpejti do të kthejnë diplomatët e tyre në Kiev, si dhe do të ndajnë fonde të reja për nevoja ushtarake.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Cameron në Tiranë: Fokus emigrantët dhe plani për gjyqësorin
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
-
Kryeministri sllovak jashtë rrezikut për jetën, por mbetet në terapi intensive
-
Të hënën arrin në Kosovë kontingjenti i 41-të i ushtarëve kroat në kuadër të KFOR-it
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
