Në orët e para të 10 korrikut, një gjykatë kineze mori vendimin për Michael Spavor, shtetasin kanadez, duke e dënuar me 11 vite burg pas akuzave për spiunazh.
Ky rast shihet si hakmarrje për arrestimin e ekzekutivit të Huawei (CFO), Meng Wanzhou në Vancouver të Kanadasë.
Michael Spavor, i cili drejtoi shkëmbime kulturore me Korenë e Veriut nga Kina, u shpall fajtor për “rrjedhje” të sekreteve shtetërore tek të huajt, sipas Gjykatës Popullore të Mesme Dandong në Kinën verilindore.
Spavor do të gjobitet me afro 7 mijë dollarë dhe do të dëbohet pasi të kryejë dënimin.
Ndërkaq, Spavor ka dy javë kohë për të apeluar.
Vendimi u shpall një ditë pasi Gjykata e Lartë e Popullit Liaoning la në fuqi dënimin me vdekje për Robert Schellenberg.
Të dyja vendimet u morën pasi argumentet përfundimtare po bëheshin në Kanada për të përcaktuar nëse Meng, zyrtarja kryesore financiare e Huawei-t, do të ekstradohej në Shtetet e Bashkuara.
Meng, vajza e themeluesit të grupit teknologjik Ren Zhengfei, është akuzuar nga autoritetet amerikane për akuza të shumta të mashtrimit në lidhje me sanksionet kundër Iranit.
Ajo u lirua me kusht dhe ka jetuar në rezidencën e saj në Vancouver.
Kanadaja e dënoi vendimin. Dominic Barton, ambasadori i Otavës në Kinë, tha se nuk ishte “rastësi” që vendimi të ishte lëshuar në këtë fazë të seancës së ekstradimit të Meng.
Barton gjithashtu përcolli një mesazh nga Spavor, i cili ishte me humor të mirë dhe donte të “kthehej në shtëpi”.
Pekini pohon se gjykimet ndaj Schellenberg, Spavor dhe Michael Kovrig, një diplomat i tretë kanadez, i cili gjithashtu është arrestuar, janë trajtuar në përputhje me ligjin kinez.
Të tre janë mbajtur veçmas në qendrat e paraburgimit, ku dritat mbahen të ndezura në çdo orë dhe stërvitja apo koha e lirë janë të racionuara rreptësisht.
Marrë dhe përshtatur nga Financial Times për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Iran, shtatë persona të varur në një ditë – dy prej tyre, gra
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin