Haradinaj: Qeveria e largoi vendin nga rruga euro-atlantike, synimi ynë është anëtarësimi në NATO
Kryetari i Aleancës për Ardhmërinë e Kosovës, Ramush Haradinaj, ka thënë se Qeveria e Kosovës “ka dështuar” në tema madhore që janë jetike për vendin, derisa ka theksuar se ekzekutivi aktual ka “neglizhuar” këshillat e aleatëve, duke e ka larguar vendin nga “rruga e saj euro-atlantike”.
“Ka refuzuar termocentralin Kosova C, ka refuzuar projektin e gazsjellësit amerikan e qytetarin e ka bërë më të varfër. Në aspektin e sigurisë ka neglizhuar këshillat e aleatëve tanë, ShBA-ve në veçanti, duke e ka larguar vendin nga rruga e saj euro-atlantike dhe synimi ynë madhor, anëtarësimi në NATO”, tha Haradinaj gjatë një vizite në Gjakovë.
Por, deputeti i AAK-së ka theksuar se nëse partia e tij vije në pushtet, “do e ndihmojmë Kosovën të dalë nga kjo situatë”.
“E them me plot bindje se aleanca me partnerët e koalicionit është nevojë urgjente për Kosovën, për zhvillimin e saj ekonomik, për një Kosovë më të sigurt dhe të zhvilluar, përkrah Amerikës dhe botës demokratike”, shtoi kreu i AAK-së.
Ai ka folur edhe për zhvillimin e komunë së Gjakovës, duke potencuar se partia e tij këtij qyteti po i ofron qeverisjen shembullore.
“Kryetari Ardian Gjini me ekipin e tij i kanë dhënë shtytje të jashtëzakonshme përparimit dhe zhvillimit të këtij qyteti, pavarësisht sfidave dhe diskriminimit që i bëhet nga niveli qendror”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit