Ana Brnabiç, ish-kryeministre e Serbisë, këtë të mërkure është zgjedhur Kryetare e Kuvendit serb.
Brnabiç në krye të kuvendit të Serbisë është zgjedhur me 153 vota pro dhe 5 kundër.
Brnabiç u propozua nga Partia Progresive Serbe (SNS) – partia fituese e zgjedhjeve të 17 dhjetorit – partia e presidentit serb Aleksandër Vuçiç.
Në anën tjetër, opozita serbe e ka kundërshtuar zgjedhjen e Branbiç-it si kryetare kuvendi.
Shefja e grupit parlamentar të koalicionit “Serbia kundër dhunës”, Marinika Tepiç, ka thënë se dy skandale kyçe shënuan mandatin e Ana Brnabiç-it si kryeministre e Serbisë.
“Tërheqja e parave nga kompania Aseko dhe zhvendosja e votuesve, përfituesve të ndihmës sociale, përpara zgjedhjeve të Beogradit”, tha ajo.
Tepiç në debatin parlamentar për zgjedhjen e Brnabiç-it kryetare të Kuvendit, theksoi se nuk kishte dëgjuar asnjë lavdërim për të nga radhët e Partisë Progresive Serbe dhe se biografia e kryetares së ardhshme të Kuvendit është vetëm në një faqe, në të cilën nuk shkruhet asgjë për shtatë vitet e punës së saj si kryeministre.
Ndërsa, deputeti i Lëvizjes Kombëtare të Serbisë, Borislav Novakoviç, deklaroi se nuk mund ta mbështesë zgjedhjen e Brnabiç-it për disa arsye, duke përfshirë edhe për shkak se ajo demonstron ekskluzivitet.
Novakoviç pohoi se nuk mund ta mbështesë zgjedhjen e Brnabiç-it sepse ajo mbështetet nga kryetari i Partisë Progresive Serbe, Millosh Vuçeviç, i cili “së bashku me Zvonko Veselinoviç-in dhe Andrej Vuçiç-in organizuan vjedhjen e zgjedhjeve në Novi Sad”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
E djathta ekstreme e Evropës në kaos, kandidati gjerman i AfD-së jep dorëheqjen
-
Sunak do të thërrasë zgjedhje të jashtëzakonshme në korrik, në një lëvizje surprizë
-
18 vite burg për ish-policin që vrau 7-vjeçaren me skaf në Himarë
-
“Petrit Ajeti më erdhi në shtëpi”, si u përfshi shefi i AKI-së në emërimin e kryetarit të Gjykatës së Gjilanit, Venhar Salihu
Lajmet kryesore
-
Zelensky telefonon Ramën, e informon për situatën në Kharkiv dhe diskuton planin bashkëpunues për mbrojtjen
-
Cameron anuloi takimin me Begajn, zbulohet arsyeja e vërtetë
-
Sunak do të thërrasë zgjedhje të jashtëzakonshme në korrik, në një lëvizje surprizë
-
“Në politikë s’ka armiq dhe miq të përhershëm, ka interesa”, Haliti s’e përjashton koalicionin me LVV-në