Kryetari i Prishtinës, Përparim Rama, nëpërmjet një postimi në “Facebook” të enjten, kërkoi nga organet kompetente të nisin një hetim dhe të marrin të gjitha masat e nevojshme në përputhje me ligjin për rastin vajzës 23-vjeçare që u lëndua nga rrëzimi i kulmit të ndërtesës së Komunës së Prishtinës në lagjen “Arbëria” gjatë ditës për shkak të erërave të forta.
“Menjëherë kam kontaktuar me familjarët e të lënduarës për t’iu qëndruar pranë në këto momente. Lutemi për shërimin e saj të shpejtë dhe të plotë. Si Kryetar i Kryeqytetit kërkoj nga organet kompetente që të hetojnë rastin në tërësi dhe të marrin të gjitha masat dhe veprimet në pajtim me legjislacionin në fuqi”, shkroi ndër të tjera kryetari i kryeqytetit.
Drejtori i Klinikës Emergjente në Qendren Klinike Universitare të Kosovës (QKUK), Naser Syla, në një prononcim për Albanian Post pasdite njoftoi se gjendja e 23-vjeçares vazhdon të jetë e rëndë, por jashtë rrezikut për jetën. Viktima vazhdon të jetë nën kujdes intensiv mjekësor.
Policia e Kosovës njoftoi se ka nisur punën për zbardhjen e plotë të të gjitha rrethanave që karakterizuan ngjarjen, ndërsa edhe Prokuroria Themelore në Prishtinë ka bërë të ditur se hetimet për rastin tashmë kanë filluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Votimi me aplikacion – i munduri dhe i duhuri për diasporën shqiptare – sipas Celibashit
-
Ka vonesë në kuptimin e rrezikut të rrjeteve mafioze shqiptare, thotë prokurori italian
-
Macron thotë se trupat do të qëndrojnë në Kaledoninë e re për aq kohë sa të jetë e nevojshme
-
BE-ja zor se do t’i largojë masat ndaj Kosovës pas “operacionit përshkallëzues” në veri