Gallup: Kosova, vendi më pëlqyeshmëri më të madhe për ShBA-të

Sipas organizatës që merret me sondazhe të opinionit publik në mbarë botën “Gallup”, Kosova është vendi që ka më së shumti pëlqyeshmeri nga të gjitha vendet e botës për Shtetet e Bashkuara të Amerikës (SHBA).

Sipas të dhënave që janë përpiluar nga kjo organizatë, vendet tjera që kanë pëlqyeshmëri të lartë për SHBA-të janë Polonia dhe Izraeli.

Të dhënat vijnë nga një seri sondazhesh të kryera në më shumë se 130 vende të botës, duke krahasuar vlerësimet e miratimit të lidershipit në SHBA, Kinë, Gjermani dhe Rusi.

Gallup llogariti miratimin neto të lidershipit duke përdorur diferencën midis përqindjes që miraton dhe përqindjes që nuk e miraton udhëheqjen e një vendi për të kapur ndjenjën e përgjithshme që një popullatë ka për performancën e punës së një lideri global.

Sipas këtyre të dhënave, avantazhi më i madh neto i miratimit të Shteteve të Bashkuara ishte në Kosovë. Qytetarët e shtetit të Evropës Juglindore e shohin SHBA-në me +78 (për qind).

Lidhur me këtë, revista javore “Neësweek”, ka biseduar me ambasadorin e Kosovës në SHBA.

“Përgjatë administratave të njëpasnjëshme, Shtetet e Bashkuara kanë mbajtur mbështetjen e palëkundur për ne, duke njohur aspiratat tona për zhvillim dhe integrim në komunitetin euroatlantik si një vend i lirë dhe i pavarur”, ka thënë Dugolli.

Më e rëndësishmja, sipas diplomatit kosovar, përtej lidhjeve diplomatike, edhe marrëdhënia mes Kosovës dhe SHBA-ve është po aq e thellë.

“Kjo marrëdhënie lulëzon mbi një besim të përbashkët në vlerat demokratike. Populli i Kosovës i shikon Shtetet e Bashkuara si një fener të lirisë dhe demokracisë, duke nxitur një dashuri për Amerikën dhe popullin e saj që kapërcen brezat”.

Ndërsa, po për këtë revistë duke folur për këtë çështje, ambasadori i SHBA-ve në Kosovë, Jeffrey Hovenier, ka thënë se vendi që ai përfaqëson është krenar që kanë mbështetur popullin e Kosovës “në avancimin e shtetit të tyre sovran, multietnik dhe demokratik”.

“Çfarë ka arritur populli kosovar në 25 vitet pas spastrimit brutal etnik të regjimi i Millosheviç-it dhe në 16 vitet që nga pavarësia e plotë nuk është asgjë më pak e jashtëzakonshme”, pohoi.

Nga ana tjetër, Izraeli dhe Polonia janë renditur poshtë Kosovës, përkatësisht në vendin e dytë dhe të tretë, specifikisht me +66 (për qind) dhe +59 (për qind).

Nga ana tjetër, Rusia dhe Irani ishin vendet me miratimin më të ulët të SHBA-së, përkatësisht me -82 (për qind) dhe -73 (për qind).

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.